VOV4.K’ho - Mho òr (26/04), Bộ Lao động – Thương binh mờ Xã hội pơgồp bal mờ Mpồl dong broă cih sră mpồl ASEAN, Broă lơh bal tiah ASEAN tàm broă bơto broă lơh bơyai lơh tơlĭk măt “Jơnau yal kơlôi sơnơng tiah do bè broă rơcang tơnguh bơtàu mpồl cau lơh broă tàm mpồl ASEAN” jăt broă lơh pờ tơlĭk tàm internet.

Pơrjum geh broă tus bal bơh Mpồl dong broă cih sră nggal mpồl ASEAN, anih tờm drơng broă lơh, bơto bơtê mờ lơh sa bơh ală lơgar tàm mpồl ASEAN, ala măt ală anih lơh broă tờm mpồl ASEAN mờ ờ uă mpồl lơh broă dunia gơrềng bal. Do là broă lơh nàng chồl pràn broă lơh jăt mùl màl jơnau yal bơr bơh mpồl ASEAN bè broă tơnguh bơtàu cau lơh broă ai dunia in broă gam tam gơl.

Jơnau yal ai geh ală broă lơh nàng chồl pràn broă bơsram jơh rài bal mờ ală bơta ngăc ngar rơcang lài rài tơnơ̆ do in. Bơh tŭ hơ̆, ai geh ală broă lơh tàm tiah do mờ dà lơgar nàng chồl pràn broă dong kờl bè broă tơnguh bơtàu cau lơh broă ai dunia in broă lơh gam tam gơl.

Cau mblàng Ndong Brawl