VOV4.K’ho- Mho òr 30/9, tàm Hà Nội, ồng Nguyễn Xuân Phúc, Thủ tướng Chính phủ tus bal Dơ\ bơyai lơh tơlik mat Ủy ban Atbồ priă lơh sa Dà lơgar dê tàm mpồl lơh sa kă bro. Ủy ban geh dờp atbồ 19 tập đoàn, tổng công ty bơh ală bộ, gah sơnah lơh broă dà lơgar mờ ală tiah dê.

Đơs tàm dơ\ bơyai lơh, Thủ tướng sồr Ủy ban tơnguh uă kơnòl mờ ală mpồl lơh sa kă bro nàng gàr niam jơh, bơtàu tơnguh priă lơh sa Dà lơgar dê; bơtơl gùng dà broă lơh bơh tập đoàn, tổng công ty gơ wèt kơnòl atbồ dilah sền go\ kờ` ngan.

Đơs niam ngan Ủy ban geh pơlam gùng ngui công nghệ yal tơngi\t jơnau tàm atbồ, gròi sền broă lơh bơh ală mpồl lơh sa kă bro dê, Thủ tướng sồr Ủy ban lơh broă bal công nghệ mờ ală tập đoàn, tổng công ty công nghệ yal tơngi\t jơnau khà dùl bơh dà lơgar dê, sơrbac mhar lơh gơs mờ ai ngui ală phan ngui, gùng dà broă lơh atbồ gròi sền priă lơh sa, jơtài Dà lơgar dê đơs bal mờ priă lơh sa, jơtài tàm mpồl lơh sa kă bro Dà lơgar dê đơs is. Broă lơh do ờ lơh gơlik bơta lơngah lơnga` ai mpồl lơh sa kă bro in mơkung dong atbồ jat broă lơh jak chài pa.

Cau mblàng Lơ Mu K’Yến