VOV4.K’ho – Tơnơ\ 15 nam lơh broă, Đoàn Lơh sa - Sền gàr dà lơgar Quảng Sơn (di Công ti TNHH MTV Kơphe 15 – Quân khu 5) neh geh uă tă pơ gồp kuơ màng tàm bơta bơtàu tơnguh lơh sa – mpồl bơtìan, gàr kơ\ ngap lơngai dà lơgar kung bè sền gàr mờ bơtàu tơnguh brê tàm [òn lơgar. Kuơ màng, tàm xã Quảng Sơn, kơnhoàl Dak Glong, càr Daknông (là tiah là mpồl ling lơh broă” là tiah gơlik geh uă bơta koh kơl aniai brê, den ală bă brê bơh mpồl ling sền gàr den là pơn rơ niam:

Ală ngai lồi nam, nhơm mrềt rê tus bal mờ ală dơ\ càl khồm nhai prang Tây Nguyên dê, gơ pồt pràn bè kờ` khồm par jơh tơl bơta, mơya rơndeh U-oat  bơh Đoàn Lơh sa - Sền gàr dà lơgar Quảng Sơn dê den kung gam lòt jat dòr bơnơm, bal mờ kuang bàng, cau ling mpồl ling dê lòt sền brê.

Đềt mềr mờ brê bơh tu\ crơng gơs mpồl lơh broă tus tu\ do, bi Lê Minh Phương, công nhân sền gàr brê sồ 4 git loh ngan ală bơta tàm [òn lơgar, bal mờ ală bơta kal ke ngan, geh tu\ là ngòt rơngơt tu\ lơh kơnòl broă. Bi pà git:

“Tàm do, bol a` sền go\ uă ngan bơta. Ờ uă làng bol kòn cau tu\ do, jơh ală kơnòm pa tàu mut tàm brê tàm trồ mang, dră wơl mpồl lơh broă pràn ngan. Dà lơgar geh kơrnuat til mpồng brê, ờ ai mut tàm brê, den tàng tu\ do bol blơ\ koh kơl aniai brê lòt kơ`au rah rài mờ rơndeh mai\ mờ rơndeh rơndồ ndai, den tàng bol a` atbồ bòl glar ngan. Kung geh ờ uă cau sơ mờm lơh suơn mìr tàm do hơ\ sồng sơ gràm ù. Geh ală cau bulah neh gơtìp git go\ mơya kung gam lơh tìs. Bol a` pal atbồ ndang, lam sồr làng bol ndang, bal mờ hơ\ gam mblàng yal nàng làng bol in git loh bơta kuơ bơh brê dê.”

Thượng tá Phạm Thanh Lý – Chính ủy Đoàn Lơh sa-Sền gàr dà lơgar Quảng Sơn pà git, tu\ do mpồl geh jàu atbồ, sền gàr 15 tiểu khu, bal mờ rlau 7 rbô 252 lồ brê. Bulah khà ling lơh kơnòl sền gàr brê tơn geh dùl êt ngan (mìng geh 27 nă cau), phan bơna dong kờl den ừ uă, r[ah r[ừp ngan… mơya jơh ală bă brê mờ bă ù tam sền gàr brê tàm tiah do kung gam geh sền gàr kơ\ ngan.

Ờ mìng bè hơ\, bă brê tàm do sùm geh tam. Bal mờ 180 lồ kau su gam tàm tơngai dờng pràn, gơs niam, dong tơnguh khà jơm glòm brê dê, nam do mpồl pơn jat tai tam geh 20 lồ brê.

Thượng tá Phạm Thanh Lý pà git, tàm tiah mờ mpồl ling lơh broă, tàm ală nam rềp ndo, neh gơ gơs là tiah gơlik geh uă bơta sơ gràm ù nàng tam phan, sơ gràm ù brê lơh mìr; geh uă cau tờm brê neh lơh roh git nđờ rbô lồ brê tài bơh ờ sền gròi kơ\. Mơya gơwèt mờ Đoàn Lơh sa - sền gàr dà lơgar Quảng Sơn, broă lơh atbồ, sền gàr brê kung gam là kơnòl kuơ màng ngan, geh lơh sùm tàm tơngai tus:

“Tơngai tus, bol a` dờp git broă atbồ, sền gàr brê kung gam là dùl tàm ală kơnòl kuơ màng, geh lơh sùm, mờ kơnòl atbồ, sền gàr brê gam gơtìp uă ngan kal ke digơlan gơlik geh bè bơta sơ gràm ù nàng tam phan, sơ gràm ù brê nàng lơh mìr, kơl kơ`au dơm chi, ồs sa brê. Den tàng, nàng lơh niam broă atbồ, sền gàr brê, lài ngan là pal ai mpồl lơh broă git loh ală bơta tàm [òn lơgar, lơh broă niam mblàng yal, lam sồr làng bol tus bal tàm broă lơh atbồ, sền gàr brê; lơh broă bal krà` cê mờ kấp ủy, gơnoar atbồ mờ ală anih lơh broă geh gơnoar tàm [òn lơgar nàng pơ gồp bal bơsong broă gơlik geh.”

Mờ bơta gơlik geh uă broă koh kơl aniai brê, sơ gràm ù brê tàm Quảng Sơn, uă cau tờm brê neh lời roh git nđờ rbô lồ brê, bơh bồ nam tus tu\ do, uă ngan kuang bàng Kiểm lâm, kuang bàng lơh broă tàm gơnoar atbồ tàm [òn lơgar kung neh gơtìp lơh glài krà` ngan.

Tàm tu\ hơ\, bă brê bơh Đoàn Lơh sa - sền gàr dà lơgar Quảng Sơn atbồ den ờ mìng geh sền gàr ờ do ờ dă, mờ gam sùm geh tơnguh uă. Bơta geh ngan hơ\ neh geh ồng Đỗ Ngọc Hiếu, Chủ tịch UBND xã Quảng Sơn, kơnhoàl Dak Glong pà git, Đoàn Lơh sa - Sền gàr dà lơgar Quảng Sơn là pơn rơ tàm tiah gơlik geh uă bơta lơh tìs bè broă lơh atbồ mờ sền gàr brê:

“Bè broă lơh atbồ, sền gàr brê den mpồl do là dùl tàm khà êt nga cau tờm brê atbồ niam. Bulah bè hơ\, tài bă brê ơnàng, den ờ gơtùi pleh broă gơtìp làng bol sơ gràm, mơya khà gơtìp sơ gràm ờ uă. Sền bal bè broă lơh atbồ, sền gàr brê mờ tam brê den Đoàn Lơh sa - Sền gàr dà lơgar Quảng Sơn, di Kong ti TNHH MTV Kơphe 15 là niam ngan.”

Ờ mìng bơcri mờr 10 tơmàn priă nàng bơt bơtàu phan bơna, hời rơ hời gàr kơ\ [òn làng bol ơm kis, gàr kơ\ mpồl lơh broă chính trị tàm [òn lơgar, tàm ală nam do, Đoàn Lơh sa - Sền gàr dà lơgar Quảng Sơn, di Kong ti TNHH MTV Kơphe 15 – Quân khu 5 neh atbồ, sền gàr mờr 10 rbô lồ brê geh is mờ ù tam b rê. Tàm tu\ jơh dùl bă tiah dờng ơnàng tàm Quảng Sơn, Dak Glong neh jơh brê, den ală bă brê bơh mpồl ling atbồ kung gam gàr niam dà tơ lir dờng ơnàng bè àu soh ală bi dê.  

                                                                   Cau cih mờ yal tơnggit K’Duẩn