VOV4.K’ho - Tây Nguyên là 1 tàm ală tiah gơbàn aniai tàm rài tam lơh sền gàr dà lơgar. Tơnơ\ mờ ngai dà lơgar tơnklàs, broă bơ\t bơtàu lơh sa, sền gàr dà lơgar tàm Tây Nguyên geh sền gròi ngan tài ù tiah kuơ màng bơh tiah do dê. Tàm tiah nhàr dà lơgar ală càr, quân uỷ dà lơgar, Bộ Quốc phòng neh crơng gơs ală mpồl lơh sa sền gàr dà lơgar. Neh rơlao 43 nam do, gùng dà broă ai cau ling tus tàm tiah nhàr dà lơgar kờ` sa bal, ơm bal, lơh broă bal mờ làng bol ală kòn cau tàm Tây Nguyên neh geh ai go\ nùs nhơm di pal.

Tơnơ\ mờ ngai dà lơgar geh tơnklàs, tiah nhàr dà lơgar Cư\ Prông, Đức Cơ, Ia Grai càr Gia Lai là ù tiah gơbàn tơrlah tơrling tài [ồm mền lơh aniai.

                                              Cau ling tàm Binh đoàn 15 dong kờl làng bol lơh hìu

Ală cau ling gơwèt ală mpồl lơh broă sền gàr dà lơgar bè 72, 732; 731;… neh lam lài tus tàm ù tiah do kờ` rồ tă [ồm mền bơh rài tam lơh lời wơl, mờ lơh sa bal mờ sền gàr tiah nhàr dà lơgar.

Ồng Kpuih Mực, kòn cau Jarai, lơh broă còr bơsơ\t cao su, cau geh đảng sơnrờp ngan [òn Chan, xã Ia Pnôn, kơnhoàl Đức Cơ pà g^t, mờ broă ntrờn lơh sa, ntrờn ơm kis, lài ngan, geh ờ uă ngan cau tus bal mờ cau ling tàm broă lơh sa. Mơya tài geh cau ling lam sồr, ală cau geh bơngă pin dờn tàm [òn kung tus bal lam sồr, hơ\ sồng làng bol geh tam gơl nùs nhơm. Tu\ do, hìu nhă lơi tàm [òn kung neh mu\t lơh cao su tàm Công ty 72, Binh đoàn 15 dê.

Rài kis bơh rơlao 200 hìu làng bol tàm [òn Chan neh tam gơl. Dùl [òn jăt gah nhàr dà lơgar, rài kis rơ[ah do neh hờm ram:

-A` sùm đềt mềr mờ broă còr bơsơ\t cao su, kis đềt mềr mờ làng bol kờ` tơnguh bơtàu lơh sa, bơ\t bơtàu [òn lơgar, công ty tơnguh bơtàu. Mu\t lơh broă tàm do, đơs ngan làng bol neh tơn jơh jơgloh, tơmù rơ[ah, rài kis gam rơhời tơl ngui tơl sa.

Tàm tơngu me ală mpồl lơh sa sền gàr dà lơgar geh crơng gơs tơnơ\ mờ ngai dà lơgar geh tơnklàs, nam 1985, Quân uỷ dà lơgar, Bộ Quốc phòng neh crơng gơs Binh đoàn 15, do là mpồl ling lơh sa, sền gàr dà lơgar tòm ngan tàm tiah nhàr dà lơgar hờ đah tô Tây Nguyên. Bơh tu\ hơ\, chồl pràn broă tơnguh bơtàu lơh sa sền gàr dà lơgar kơl jăp tàm tiah do.

              Cau ling Binh đoàn 15 mờ broă lơh kuơ màng gơwèt mờ làng bol tàm tiah nhàr dà lơgar Tây Nguyên dê

-Binh đoàn neh ai rơlao 7 rơbô nă làng bol kòn cau kis tàm tiah nhàr dà lơgar càr Gia Lai in mu\t lơh broă tàm Binh đoàn dê. Binh đoàn tus tàm tiah lơi den broă lơh sa tàm tiah hơ\ geh tơnguh bơtàu, muh măt [òn lơgar sơlơ ngai sơlơ niam. Cấp uỷ ală kơnhoàl tàm tiah nhàr dà lơgar bal mờ Binh đoàn 15 pơgồp bal, bơ\t bơtàu bal ròt chính trị sơlơ ngai sơlơ geh tơnguh niam.

Tus còp wơl Tây Nguyên tàm ală ngai nhai 4, Trung tướng Nguyễn Thành Út, Bí thư Đảng uỷ lài do, Phó Tư lệnh chính trị Quân khu 5 chờ hờp ngan tài broă tơnguh bơtàu tàm ù tiah brê bơnơm do dê.

                      Ală rơnàng cau ling tàm Binh đoàn 15 neh bơ\t bơtàu gơs tiah nhàr dà lơgar kơl jăp tàm Tây Nguyên

-Lơh sa sền gàr dà logar do là broă bơ\t bơtàu broă sền gàr dà lơgar geh [òn ơm kis, geh xã, geh hìu bơsram. Rơnàng tơnơ\ do, oh kòn kòn sao tơnơ\ do, mè bèp deh tàm tiah do bơ\t bơtàu broă lơh sa, geh priă, geh phan bơna, oh kòn geh rài kis hờm ram, den di lah geh ling sò tơm tus, ờ hềt đơs tus mờ broă gàr dà lơgar, mờ ală cau do gam gàr hìu, gàr phan bơna tòm, gàr [ồc blàng mò pàng, ồng pàng.

Bè hơ\, broă lơh sa sền gàr dà lơgar tàm tiah nhàr dà lơgar neh geh 1 bơta kơl jăp, 1 ròt chính trị kơl jăp, ờ geh tơlăk nă ling lơi tus gàr geh tiah nhàr dà lơgar ndrờm mờ nùs nhơm làng bol dê. Bơta kuơ do dờng màng ngan.

Tơnơ\ mờ 43 nam tơnklàs dà lơgar, 1 ròt tiah nhàr dà lơgar jòng g^t nđờ rơhiang kơi sồ tàm 2 càr Gia Lai mờ Kon Tum neh geh lơh gơs pơngàr kơl jăp, 1 bơnah tiah mờ broă tam gơl loh làng bè lơh sa mpồl bơtiàn. Lơh sa tơnguh bơtàu, jơnau g^t wă geh tơnguh, dong kờl tơl nă cau lơh broă, tơl nă làng bol kòn cau kis tàm tiah nhàr dà lơgar do ndrờm neh g^t wă nùs nhơm gùt làng bol sền gàr dà lơgar, gơs ală cau sền gàr tiah nhàr dà lơgar is.

                                       Thiếu tướng Đặng Anh Dũng, Tư lệnh Binh đoàn 15

Jăt Thiếu tướng Đặng Anh Dũng, Tư lệng Binh đoàn 15 yal, hơ\ là cồng nha dờng màng ngan mờ kung là nùs nhơm pơn yờ să ngan ală rơnàng kuang bàng, cau ling, cau lơh broă Binh đoàn dê:

-Tây Nguyên tơnơ\ mờ rài tam lơh, tu\ hơ\ là 1 anih tơrlah tơrling lơm, hơ\ sồng bềng bồm, mền, sơnơm khih, hơ\ sồng kòp tê jê să lơh aniai, làng bol den jơgloh rơ[ah. Lơh jăt gùng dà broă lơh bơh Đảng mờ Dà lơgar, den Binh đoàn 15 geh crơgn gơs. Bơh tu\ hơ\ tus tu\ do den geh g^t nđờ 10 rơbô nă làng bol geh ai tus Tây Nguyên, bal mờ làng bol ală kòn cau tàm Tây Nguyên do bơ\t bơtàu Tây Nguyên sơlơ ngai sơlơ pas gơs mờ hờm ram.

Tu\ do là tơlir cao su, tơlir kơphe tàm Tây Nguyên mờ mìng is Binh đoàn 1 geh rơlao 40 rơbô lồ cao su mờ g^t nđờ rơhiang lồ kơphe, cèng geh rài kis hờm ram mờ gơboh gơbài làng bol tàm Tây Nguyên in.

Dùl bă ù gơbàn [ồm mền lơh tơrlah tơrling tu\ do neh tam gơl mờ brê phan tam jo\ tơngai hòn gơs niam mờ ală [òn geh rài kis hờm ram mờ geh tơl ồs đèng – gùng lòt – hìu bơsram – hìu sơnơm. 1 ròt tiah nhàr dà lơgar kơl jăp bè geh klơm mờ 1 tăp ào dờng lơh sa pơgồp mờ sền gàr dà lơgar neh mờ gam geh Binh đoàn 15, Bộ Quốc phòng lơh geh cồng nha.

Cau cih mờ yal tơng^t Ndong Brawl