VOV4.K’ho - Càr Lạng Sơn pa tơlik kơrnoăt tơmù khà priă tă broă ngui phan lơh broă ală mpồng nhàr dà lơgar, tơmù khà priă broă lơh drơng ala mpồng nhàr dà lơgar Tân Thanh nàng dong kờl ală mpồl lơh sa kă bro tăc phan mờ lơgar Lo.

Tơmù uă bơta priă tă nàng dong kờl mpồl lơh sa kă bro gơtìp kòl phan geh lơh bơh broă lơh sa suơn sre tềng mpồng nhàr dà lơgar

Tus tŭ do, kờp jơh khà rơndeh pơn diang phan tăc  mờ lơgar Lo gam gơtìp kòl tềng mpồng nhàr dà lơgar càr Lạng Sơn là 4 rơbô 200 nơm, tàm hơ̆ geh rơlao 2 rơbô 900 nơm rơndeh pơn diang plai chi ris, tơrgùm mìng tàm mpồng nhàr dà lơgar Tân Thanh. Tềng đăp mờ bơta gơtìp kòl jŏ tơngai, nàng tam pà bal kal ke mờ ală mpồl lơh sa kă bro bal mờ cau măi rơndeh, càr Lạng Sơn neh tơlik kơrnoăt ờ tă priă sơm kòp ai cau măi rơndeh in di lah gơtìp kòp Kovid-19 mờ pơn jăt tai tơmù khà priă ngui phan lơh broă tàm ală mpồng nhàr dà lơgar, tơmù khà priă uă bơta broă lơh drơng ala tềng mpồng nhàr dà lơgar Tân Thanh. Mùl màl, tơmù khà priă ngui broă lơh tàm do, broă lơh drơng ala, bơta kuơ mpồl bơtiàn tàm tiah mpồng nhàr dà lơgar tàm càr Lạng Sơn.

Cau mblàng Ndong Brawl