VOV4.K’ho- Tàm dơ̆ tàm pơrlòng ling klàng Dunia Army Games nam 2021, Mpồl ling klàng làng bol Việt Nam ơm dơ̆ 7 tàm 42 dà lơgar mờ kơnhoàl ù tiah tus bal pơrlòng. Hơ̆ là jơnau yal tàm Dơ̆ bơyai lơh tơn jơh Dơ̆ pơrlòng Ling klàng dunia dơ̆ 7 (Army Games 2021) neh geh lơh yŭ rơyùm tàm Moscow, lơgar Nga. Tơnơ̆ uă ngai pơrlòng, Mpồl ling klàng làng bol Việt Nam lòt pơrlòng Army Games 2021 tàm lơgar ndai neh lơh gơs niam jơh ală kơnòl broă geh jàu, lơh geh ală cồng nha niam ngan rlau jơh bơh 4 dơ̆ tus bal Pơrlòng ling klàng Dunia.

Uă ngan ală môn pơrlòng ndrờm lơh geh cồng nha uă rlau halà ndrờm mờ nam lài bulah khà mpồl pơrlòng bơh ală lơgar tus bal pơrlòng dê uă rlau mờ bơta môn pơrlòng kung kal ke rlau. Ală cau pơlam dơ̆ pơrlòng tàm Army Games 2021 đơs, ală ling klàng tàm mpồl ling klàng làng bol Việt Nam geh pơlam tàp niam, geh bơta chài niam mờ geh bơta duh rơngòt adat boh lam niam ngan. Army Games là tŭ nàng ală ling klàng Việt Nam in lùp bơsram, ai geh tai bơta mờng chài tàm pơlam tàp rơcăng tam lơh, ngan là broă dờp, bơsram, ngui mờ prăp gàr ală bơta phan tam lơh, phàu crong pa, pa ngan.

Cau mblàng Lơ Mu K’Yến