VOV4.K’ho- Tơnơ̆ 2 ngai geh lơh, mho ngai 26/11, tàm Hà Nội, Cribơyai cau kơnòm să jak Việt Nam gùt plai ù dơ̆ 4 neh tơn jơh. Tàm dơ̆ cribơyai, ală cau kơnòm să jak neh cribơyai bal, geh ală jơnau dan ală gùng dà broă lơh, kơrnoăt boh lam ngui niam cau kơnòm să jak Việt Nam rơcăng lài, lơh ngan tă pơgồp dà kơlhề, tă pơgồp ai broă lơh tam gơl pa bơceh pa bơh dà lơgar dê in, lơh gah gah tàm lùp nàng Chính phủ mờ ală anih lơh broă geh gơnoar dan lơh broă mờ cau kơnòm să jak bè ală broă kờñ ngan ai bơta bơtàu tơnguh dà lơgar in.

Tàm cribơyai cau kơnòm să jak Việt Nam gùt plai ù dơ̆ do neh geh gĭt nđờ jơnau dan, jơnau sồr tàm bơtàu tơnguh mpồl cau lơh broă ai tam gơl sồ, măy mok mờ ătbồ tàm rài lơh sa sồ mờ 2 rơndăp broă lơh cih mat dan lơh nàng kờñ pơgồp bơnah tus bal lơh jăt geh cồng nha Broă lơh Tam gơl sồ dà lơgar bơh Chính phủ dê. Ală jơnau đơs tă pơgồp bơh cau kơnòm să jak dê geh tơrgùm kờp mờ ai tơlik jơnau ring bal ală jơnau sồr, jơnau dan mờ Đảng mờ Dà lơgar bè ală broă dipal mờ jơnau kờñ bơtàu tơnguh kơ̆ kơl jăp dà lơgar.

 Cau mblàng Lơ Mu K’Yến