VOV4.K’ho- Dơ̆ pơrlòng jơh bơsram kấp pe nam 2021 dơ̆ 1 neh tơn jơh tàm mho ngai 8/7 tơnơ̆ 2 ngai pơrlòng. Do là dơ̆ pơrlòng kuơ màng ngan, tài bơh geh bơyai lơh tàm tơngai kòp Covid-19 gam gơlik geh kal ke, uă tiah kung bè ƀòn dờng Hồ Chí Minh, Bắc Giang, Bình Dương, Phú Yên, Hà Nội… geh cau bơtờp kòp pa.

                         Bơta chờ hờp bơh uă ngan kơnòm pơrlòng dê ndrờm gơtùi lơh jơnau pơrlòng

Den tàng, 63 tiah neh rcang lài lam lơh ală gùng dà broă lơh mờ bơta mut lơh bal jơh nùs ngan bơh ală mpồl tus bal dê, neh lơh geh tiah pơrlòng ƀuơn ngan rlau jơh ai kơnòm pơrlòng in. Tơngai bơyai lơh pơrlòng kung gơlik geh bàr pe bơta aniai tài gơrềng bơh kòp kung là bơta mờng chài ai ală tiah in tŭ bơyai lơh pơrlòng jơh bơsram kấp pe dơ̆ tơnơ̆ do in. Tơn jơh 2 ngai pơrlòng, kung gam rlau 23 rơbô nă kơnòm pơrlòng tàm ală càr, ƀòn dờng ờ gơtùi tus bal tàm dơ̆ pơrlòng tài  gơrềng bơh kòp Covid-19 mờ geh pơrlòng tàm dơ̆ 2. Uă làng bol kơ̆p kơnờm, ală tiah geh ai geh jơnau mờng chài nàng bơyai lơh dơ̆ pơrlòng pơn jat tai ờdo ờdă rlau tai.

Cau mblàng K’Hạnh