VOV4.K’ho- Mho òr (13/3), Ủy ban Thường vụ Quốc hội pơrjum tơn jơh broă lơh pơrjum dơ\ 32. Lài mờ tu\ tơn jơh, ală kuang bàng neh tă pơgồp jơnau đơs tàm rơndăp cih Nghị quyết bơh Quốc hội dê bè bơsong priă dồs priă dia, priă lơh glài, priă lơh glài lơyaì tơm, priă lơyaì tơm bơh cau tă dia dê neh lơh sa hoàc hươr, tơn jơh lơh sa, ờ gam lơh sa kă bro mờ ờ gam tơl pràn tă tơm kes priă dà lơgar dê.

Ală kuang bàng đơs là, tu\ do geh pơgăp 620 rbô nă cau tă dia bơh mpồl lơh sa kă bro, hìu bơnhă, cau dùl nă să ờ gam lơh broă kă bro. Sồr lơh loh lơh geh bơta loh làng song dơ pă mờ kơryan ală cau kơldang bồ ờ tă, pồn dia, blơ\ blăc dia, sơmờm gùng dà broă lơh pa nàng jòi sa kuề.

Đơs tàm dơ\ pơrjum, mò Nguyễn Thị Kim Ngân, Chủ tịch Quốc hội sồr lơh gơs nàng ring bal Adat Atbồ dia tàm pơrjum dơ\ 7 geh lơh tàm nhai 5 tus. Dùl tơngume kuơmàng, tàm mho òr 13/3, Ủy ban Thường vụ Quốc hội neh pơrjum ndơ\p nàng ring bal Nghị quyết cih gơnoar broă, groăt broă geh kấp groăt dờng ngan rlau jơh là Trung tướng, Thiếu tướng ờ hềt geh cih loh làng tàm Adat Kuang àng làng bol nam 2018.

Cau mblàng Lơ Mu K’Yến