VOV4.K’ho - Mờ gùng dà broă lơh “ai bơta pràn làng bol nàng drơng rài kis làng bol”, 5 nam pơgồp bal lơh jăt, Dơ̆ lam sồr “Gùt làng bol tam klăc bơ̆t bơtàu ƀòn lơgar pa, ƀòn drà chài rơgơi” neh geh uă cồng nha kuơ màng, pơgồp bal tàm broă “tam gơl muh măt, să jan” ƀòn lơgar mờ ƀòn drà bơh dà lơgar bal mờ tơl tiah dê.

Do là jơnau đơs bơh ală kuang bàng tàm pơrjum tơn jơh ing 5 nam lơh jăt dơ̆ lam sồr geh Ủy ban Mặt trận dà lơgar Việt Nam bơyai lơh drim òr (15/12), tàm Hà Nội. 5 nam do, ală tiah neh hòi jà geh git nđờ rơhiang tơmàn đong nàng bơ̆t bơtàu broă lơh geh kuơ tàm ƀòn lơgar. Kờp tus nhai 11 nam 2020, gùt lơgar geh 5 rơbô 392 xã (geh 65%) geh khà ƀòn lơgar pa. Bơh ală anih tờm pờ tơlik tàm internet, ala măt ală tiah tam pà bal broă mờng chài, broă lơh bơceh pa, mờ dan geh ală broă lơh dơ̆ lam sồr tàm tơngai tus.

Cau mblàng Ndong Brawl