VOV4.K’ho- Mho ngai 28/6, Mpồl Kuang bàng Quốc hội càr Dak Lak khoá 14 bơyai lơh pơrjum tơn jơh lơh broă tơngai lơh broă bơh nam 2016 - 2021. Mpồl Kuang bàng Quốc hội khoá 14 càr Dak Lak dê geh 9 nă Kuang bàng. Tàm hơ̆ geh 4 nă Kuang bàng bơh dà lơgar yal tơngĭt, 5 nă Kuang bàng bơh càr dê yal tơngĭt. Bơh bồ tơngai lơh broă tus tŭ do, Mpồl Kuang bàng Quốc hội càr dê neh đơng lam mờ pơgồp bal mờ ală anih lơh broă geh gơnoar bơyai lơh 20 dơ̆ pơrjum ai jơnau đơs tă pơgồp tàm 56 rơndap lơh Adat, Adat boh lam. Lơh broă tìp mat mờ cau tĕ khà tàm tơngai lơh broă geh Mpồl kơlôi sơnơng tam gơl pa jat gùng dà geh kuơ ngan ngồn. Mpồl neh bơyai lơh 140 dơ̆ pơrjum tìp mat mờ cau tĕ khà, mờ rlau 23 rơbô nă cau tĕ khà tus bal mờ 2 rơbô 950 jơnau đơs tă pơgồp bal. Bal mờ hơ̆, Mpồl Kuang bàng Quốc hội càr Dak Lak neh sền gròi tus broă gàr tơl niam rài kis mpồl bơtiàn, ngan là gơwèt mờ hìu bơnhă chính sách, hìu bơnhă geh màng mờ dà lơgar, hìu bơnhă làng bol jơi bơtiàn kòn cau geh rài kis kal ke uă, tiah sar lơgar ngài....

Pà bơkào ai ală Kuang bàng Quốc hội càr Dak Lak khoá 14 in

Tàm 5 nam do, Mpồl Kuang bàng Quốc hội càr dê neh lơh ngan hòi jà, lam lùp còp, bơt bơtàu bàr pe broă lơh geh ngan ngồn drơng rài kis lơh broă sa tàm ù tiah càr dê mờ kờp jơh khà priă rlau 6 tơmàn đong.

Cau mblàng K’Hạnh