VOV4.K’ho – Drim òr 11/10, Pơrjum dơ\ 6 Ban Chấp hành Đảng Dà lơgar kơnă 12 neh tơn jơh tơnơ\ 7 ngai lơh broă jal mhar, jơh nùs, lơh tờm mờ geh kơnòl, lơh jơh ală tơngume broă neh sồr.

Đơs tơn jơh pơrjum, Tổng Bí thư Nguyễn Phú Trọng đơs uă, ală kuang bàng Ủy viên Dà lơgar mờ ală kuang bàng lòt pơrjum neh kơlôi sơnơng, rơcang nền mờ song dơ pă cribơyai, tă pơgồp uă jơnau đơs kuơmàng tàm ală jơnau yal mờ rơndăp broă lơh. Ban Chấp hành Đảng Dà lơgar neh dùl nùs bal uă ngan ring bal ală kơrnoat mờ jơnau đơs pơndu\t bơh Dà lơgar dê.

Bè kơnòl broă lơh sa- mpồl bơtiàn nam 2018, nàng gơtùi lơh jơh ală jơnau kờ` mờ kơnòl broă sồr lơh, kờ` pal pơn jat tai ngui bơta pràn tam klac dờng jơh gùt làng bol, nùs nhơm duh hồl, bơceh pa, kràn cê jơh nùs tàm tu\ đơng lam, sồr lơh.

Tơrgùm lơh lài lơh mờ lơh gơs ală gùng dà broă lơh kơrnoat boh lam, sơlơ lơh uă bơta lơh glài nàng lơh tam gơl pa pràn kơldang rlau tai tiah bơcri priă lơh sa kă bro; bơsong jơnau lơyaì tam pà mờ ai priă jền bơcri dà lơgar dê, lơyaì lơh sa bal, ai wơl priă jền dà lơgar dê tàm mpồl lơh sa kă bro dà lơgar.

Bè broă kuang bàng, Tổng Bí thư Nguyễn Phú Trọng pà g^t, Ban chấp hành Đảng dà lơgar neh pồ bơtơl 2 Uỷ viên Ban Bí thư kơnă 12 mờ bơyai lơh glài tus mờ ồng Nguyễn Xuân Anh, Uỷ viên Trung ương Đảng, Bí thư Thành uỷ Đà Nẵng mờ broă tơn jơh at groăt Bí Thư Thành uỷ Đà Nẵng, tơn jơh at groăt Uỷ viên Ban Thường vụ, Uỷ viên Ban chấp hành Đảng bộ [òn dờng Đà Nẵng tơngai lơh broă bơh nam 2015 tus 2020 mờ tơn jơh at groăt Uỷ viên Ban chấp hành Đảng dà lơgar kơnă 12 tài neh geh ală broă lơh tìs dờng màng ngan.

Nùs nhơm bơh uă kuang bàng, cau geh đảng bal mờ làng bol đơs là, do là khà lơh glài nền nòn ngan mờ di pal ngan, di nùs nhơm mờ di kơrnoăt tàm broă lơh, geh ngui kờ` bơto bơtê, kah wơl, yal lài, sơndră bal uă ngan.

Cau cih mờ yal tơngi\t-Lơ Mu K’ Yến mờ Ndong Brawl