VOV4.K’ho- Tơnơ̆ 4 ngai lơh broă jal mhar, lơh ngan jơh nùs, geh kơnòl, mho ngai 8/7, Pơrjum dơ̆ 3 bơh Ban Chấp hành dà lơgar khoá 13 neh pơrjum tơn jơh, lơh sir jơh ală tơngume broă lơh neh ai tơlik, tơn jơh gờñ rlau pơndrờm mờ jơnau kờp dŭ lài 1 ngai.

                           Tổng Bí thư ồng Nguyễn Phú Trọng đơng lam mờ đơs tàm dơ̆ pơrjum

Tổng Bí thư ồng Nguyễn Phú Trọng đơng lam mờ đơs tàm dơ̆ tơn jơh pơrjum. Mờ nùs nhơm sền song tàm bơta geh ngan, sền sơwì ală broă dùl bă di pal, khoa học, Pơrjum neh ring bal sền sơwì cồng nha lơh jat Broă rơndap lơh bơtàu tơnguh lơh sa- mpồl bơtiàn, priă jền dà lơgar, bơcri priă dà lơgar tàm tơngai dimơ tơngai 5 nam bơh nam 2016 - 2020, mờ bơta lơh jat kơnòl broă bơtàu tơnguh lơh sa- mpồl bơtiàn 6 nhai bồ nam 2021. Mờ kung ai jơnau đơs sồr lơh sir rơndap cih Broă rơndap lơh bơtàu tơnguh lơh sa- mpồl bơtiàn, priă jền dà lơgar, mờ bơcri priă dà lơgar tàm tơngai dimơ tơngai 5 nam bơh nam 2021 – 2025 nàng yal mờ Quốc hội khoá 15 in sền sơwì, lơh nền tàm pơrjum dơ̆ 1 kờp dŭ geh bơyai lơh tàm lồi nhai 7 do.

Tổng Bí thư ồng Nguyễn Phú Trọng kung pà gĭt, tàm pơrjum dà lơgar dơ̆ 3, Ban Chấp hành dà lơgar neh bơtơl 2 ủy viên Ủy ban sền sơwì dà lơgar. Mờ dà lơgar kung lơh nền lơh jat kơrnoat lơh glài gơwèt mờ ồng Trần Văn Nam - Ủy viên Ban Chấp hành Đảng dà lơgar, Bí thư Tỉnh ủy Bình Dương mờ broă lơh tơn jơh ală gơnoar broă tàm Đảng; lơh jat kơrnoat lơh glài ồng Vũ Huy Hoàng-Ủy viên Đảng lơgar lài do, mờ broă lơh tơ lik bơdìh Đảng.

Cau mblàng K’Hạnh