VOV4.K’ho - Tơnơ̆ mờ mờr 4 ngai lơh broă mhar, nền nòn, drim òr (07/10), tàm hìu lơh broă Đảng dà lơgar, tềng đăp mờ broă đơng lam bơh Tổng Bí thư ồng Nguyễn Phú Trọng, Pơrjum dơ̆ 4 Ban Chấp hành Đảng dà lơgar khoă 13 neh pơrjum tơn jơh. B

an Chấp hành Đảng dà lơgar neh ring bal uă mờ đơs là, 9 nhai do, broă lơh sa dờng pơn jăt tai ring niam, khà priă gơmù geh sền gròi, tàm hơ̆ uă ngan là neh di tŭ rơcang sơndră mờ lơh jăt broă dong kờl nàng tơmù, bơsong kal ke ai làng bol bal mờ mpồl lơh sa kă bro gơtìp gơrềng tài bơh kòp gơtờp. Tổng Bí thư ồng Nguyễn Phú Trọng đơs tờm, Dà lơgar neh tơrgùm mblàng ală bơta aniai uă, uă gah broă bơh dơ̆ gơtờp kòp dơ̆ 4, cri bơyai bè ală gùng dà broă lơh di pal, tơrgùm bal, di pal rơlao nàng lơh ngan rơcang sơndră mờ gròi sền kòp gơtờp, wèt tus broă brồ guh lơh sa, tơnguh bơtàu broă lơh sa mpồl bơtiàn tàm tơngai tus. Bè bơ̆t bơtàu đảng, tàm jơnau đơs tơn jơh pơrjum, Tổng Bí thư ồng Nguyễn Phú Trọng đơs tờm, pơrjum neh ring bal uă tơlik kơrnoăt pa bè ală bơta cau geh đảng ờ gơtùi lơh; sền do là cơng tàng, tơngu me tờm kuơ màng nàng sền sơwì, bơsong ală tìs bơh kuang bàng, cau geh đảng.

Cau mblàng Ndong Brawl