VOV4.K’ho- Kung tàm dơ\ pơrjum dơ\ 6 Hội đồng Nhân dân càr Dak Lak  khoá IX dê sơl, mho òr 5/7, ală kuang bàng neh lùp mờ hơ jơnau lùp; ring bal ală nghị quyết kuơmàng mờ tơn jơh dơ\ pơrjum.

Kuang đơng lam bồ Hội đồng Nhân dân càr Dak Lak sồr, tơnơ\ dơ\ pơrjum Ủy ban Nhân dân càr Dak Lak mờ ală gah lơh broă gơrềng bal pal mhar lam lơh jat ală nghị quyết bơh Hội đồng Nhân dân càr dê, pal lơh dùl ròt bal, làm tơl mờ ală bơta mờ lơh geh cồng nha.

Ủy ban Mặt trận dà lơgar Việt Nam càr Dak Lak mờ ală mpồl cau bơh càr dê pơn jat tai sơlơ tơnguh tai broă mblàng yal, hòi jà làng bol jơh nùs lơh jat ală Nghị quyết bơh Hội đồng Nhân dân càr dê; mơkung sơlơ lơh uă tai broă gròi sền, tă pơgồp wơl bơh mpồl bơtiàn dê, pơgồp bơnah ai nghị quyết bơh Hội đồng Nhân dân càr dê gơlòt mu\t ngan ngồn tàm rài kis…

Cau mblàng Lơ Mu K’Yến