VOV4.K’ho- Drim òr 20/11, tàm Hìu Quốc hội, pơrjum dơ\ 6, Quốc hội khoá 14 neh tơn jơh tơnơ\ mờr dùl nhai lơh broă jal mhar, jơh nùs, lơh tờm mờ geh kơnòl. Đơs tơn jơh pơrjum, mò Nguyễn Thị Kim Ngân, Chủ tịch Quốc hội đơs sùm, Quốc hội khoá 14 neh jơh lơh broă lơh bơh pơrjum dơ\ 6 dê bal mờ uă broă kuơmàng.

Chủ tịch Quốc hội pà gi\t mờ bơta pin dờn uă ngan, Quốc hội neh pồ Tổng Bí thư Đảng Cộng sản dà lơgar Việt Nam, ồng Nguyễn Phú Trọng at gơnoar broă Chủ tịch lơgar Cộng hoà Xã hội Chủ nghĩa Việt Nam. Do là broă chính trị kuơmàng bơh dà lơgar dê, geh làng bol mờ cau te\ khà đơs niam ngan.

Bal mờ hơ\, Quốc hội neh ki\ ring bal jơnau sồr bơh Thủ tướng Chính phủ dê bè kuang bàng lơh broă tàm Chính phủ pal lơh di bơta rơndăp tăp sèng, sră nggal jat jơnau sồr bơh kơrnoat boh lam dê.

Tàm dơ\ pơrjum do, Quốc hội neh ring bal 9 adat mờ ai jơnau đơs bè 6 rơndăp broă lơh adat ndai. Kuơmàng, Quốc hội neh ki\ ring bal Hiệp định Lơh broă bal Làm tơl mờ ală bơta mờ gơguh jak gùt Thái Bình Dương (CPTPP) bal mờ ală sră nggal gơrềng bal mờ bơta dùl nùs bal uă ngan.

Cau mblàng Lơ Mu K’Yến