VOV4.K’ho -  Pơrjum dờng yàng Phờk Liên hợp quốc Vesak nam 2019 ngai do (14/5) geh lơh tơn jơh mờ geh jơnau yal bơr bal Vesak nam 2019 (gam geh hòi là jơnau yal bơr Hà Nam). Mờ ală pơrjum tơngume mờ dùl ròt ală broă lơh niam chài huềng soàn geh lơh sùm tàm 2 ngai pa do, ală kuang bàng tàm lơgar mờ dunia ndrờm đơs, Vesak nam 2019 là dùl dơ\ pơrjum dờng geh cồng nha niam, lời wơl jơnau kah kir niam ngan tàm nùs nhơm gơp bơyô dunia bè rùp să dà lơgar, kòn bơnus, niam chài mờ rài kis pin dờn jat yàng tàm lơgar Việt Nam.

Pơrjum dờng yàng Phờk Liên hợp quốc Vesak nam 2019 geh 4 rbô 500 nă kuang bàng ngan ngồn tus bal, tàm hơ\ rlau 1 rbô 600 nă kuang bàng bơh 112 dà lơgar mờ kơnhoàl ù tiah; mờ mờr 20 rbô nă kuang bàng tàm lơgar mờ làng bol jat yàng Phờk tus bal. Tơnơ\ dơ\ tơn jơh, Vesak 2019 geh jơnau yal bơr bal – jơnau yal bơr Hà Nam.

 Ală kuang bàng ndrờm geh bal dùl bơta kơp kờ`, ală tơngume jơnau yal bơr dong tàm tơrbo\ mpồl cau jat yàng Phờk tàm gùt dunia, wèt tus dùl jơnau kờ` bal là pơgồp bơnah bơt bơtàu mpồl bơtiàn kơ\ kơljap, dunia ring lơngai. Ală rùp să dà lơgar, kòn bơnus Việt Nam rềp mềl, kờ` nac, kờ` ring lơngai geh sùm ơm wơl tàm nùs nhơm tơl nă kuang bàng tus bal Vesak.

 Cau mblàng K’Duẩn