VOV4.K’ho- Mho ngai 28/03, Pơrjum pờ tơlik tơn tàm internet gùt lơgar kơlôi sơnơng, bơsram, lơh jat Nghị quyết Pơrjum dờng dơ̆ 13 bơh Đảng dê neh tơn jơh geh cồng nha niam bơnĕ ngan tơnơ̆ 2 ngai lơh broă geh cồng nha.

Đơs tơn jơh pơrjum, ồng Nguyễn Trọng Nghĩa, Bí thư Đảng Dà lơgar, Kuang atbồ Ban Tuyên giáo dà lơgar đơs nền, pơrjum dơ̆ do geh uă bơta tam gơl pa tàm broă lơh rcang lài, broă bơyai lơh, ală cau yal jơnau là ală Kuang đơng lam bồ tờm bơh Đảng, Dà lơgar dê neh să tờm tơn mblàng yal Nghị quyết, dong tơnguh uă ngan bơta niam bơsram Nghị quyết.  Ồng Nguyễn Trọng Nghĩa, Bí thư Đảng dà lơgar, Kuang atbồ Ban Tuyên giáo Dà lơgar pà gĭt, mờ rlau 7 rơbô 400 anih tàm tơrbŏ bal tàm kơnă hơđơm, geh mờr 1 tơlak nă đảng viên tàm jơh gùt lơgar neh kơlô sơnơng, bơsram Nghị quyết, hơ̆ là bơh 5 tus 6 nă đảng viên den geh 1 nă cau tus bal bơsram tàm dơ̆ do mờ dùl nùs nhơm jal mhar ngan rlau jơh.

   Cau mblàng K’ Hạnh