VOV4.K’ho- Tơnơ̆ 3 ngai lơh broă, mho ngai 29/12, Pơrjum kwang àng gùt lơgar dơ̆ 77 neh tơn jơh. Đơs pơn dut pơrjum, Ƀộ trưởng Tô Lâm tơngkah Kwang àng ală mpồl, ală tiah pal pơn jat tai tam gơl pa, đal git kơnòl broă ngan ngồn gơ wèt tus mờ tơl mpồl, tơl kwang bàng, cau ling kwang àng tàm broă lơh hòi jà làng bol mờ bơt bơtàu srơh Jơh gùt làng bol sền gàr lơngap lơngai dà lơgar; sơlơ tơnguh broă lơh cribơyai mờ lơgar ndai, lơhbroă bal dunia; tơnguh rlau tai bơta niam, cồng nha ală gah broă lơh mờng chài.

Ƀộ trưởng Tô Lâm sồr Kwang àng ală mpồl, ală tiah pal gròi sền nền nòn broă gơlik geh, lam lơh jat nền nòn ală jơnau sồr, jơnau đơng lam bơh Ƀan Ƀí thư, Cíñ phủ, Thủ tướng Cíñ phủ, Mpồl đơng lam dà lơgar rơcang sơndră kòp Kovid-19 dê. Ală mpồl pal đơng lam jơh nùs, lam lơh kơryan, jòi kup cau tìs, sền gàr sa tềp bơhiàn yau Ñâm Zần.

Cau mblàng K’Duẩn