VOV4.K’ho- Di tơnkah 114 nam tòm ngai deh Tổng Bí thư Lê Duẩn (7/4/1907- 7/4/2021), drim òr (05/04), Thành ủy Đông Hà, càr Quảng Trị bơyai lơh pơdơng bơkào tềng rùp kah kơlôi Tổng Bí thư Lê Duẩn.

Tàm dơ̆ pơrjum, kuang đơng lam thành ủy Đông Hà bal mờ kuang bàng, công chức, viên chức cau lơh broă ƀòn dờng yal wơl rài kis, broă lơh kăc màng jăk chài bơh Tổng Bí thư Lê Duẩn dê. Kah ưn ngài mờ pơdơng bơkào tềng đăp rùp ƀồc ồng Lê Duẩn, ală kuang bàng tơlĭk nùs nhơm gĭt ưn ngài uă ngan gơwèt mờ kuang đơng lam jăk chài bơh kăc màng lơgar Việt Nam dê, kơnờm bơsram jăk Bác Hồ dê, oh kòn jăk chài càr Quảng Trị dê neh geh ală broă lơh dờng màng gơwèt mờ broă tơn klàs, dà lơgar tơrgùm bal. Di tàm dơ̆ do, kuang đơng lam Thành ủy, HĐND, UBND, ủy ban Mặt trận dà lơgar Việt Nam ƀòn dờng Đông Hà bal mờ kuang bàng, công chức, viên chức cau lơh broă tơlĭk nùs nhơm lơh ngan tơnguh nùs nhơm tam klăc bal, bơsram mờ lơh jăt ơnà jăk bơh Bác Hồ dê.

Cau mblàng Ndong Brawl