VOV4.K’ho- Ngai òr 15/5 tàm Hìu duh broă Đảng Dà lơgar, Bộ Chính trị pơrjum ai jơnau đơs bè broă lơh rcăng ai Pơrjum Dà lơgar 10 khoá 12; pơrjum dơ\ 7 Quốc hội khoá 14 mờ bàr pe broă kuơmàng ndai. Tổng Bí thư, Chủ tịch lơgar ồng Nguyễn Phú Trọng đơng lam dơ\ pơrjum.

Tổng Bí thư, Chủ tịch lơgar đơs sùm: Dơ\ pơrjum Quốc hội mờr tus kuơmàng ngan, digơlan Quốc hội geh ring bal mờ ai jơnau đơs bè uă rơndăp lơh adat mờ bàr pe kơrnoat. Kuơmàng là Ủy ban Thường vụ Quốc hội, Chính phủ mờ ală anih lơh broă geh gơrềng bal cribơyai nền, rcăng wil tơl ală tơngume yal mờ Quốc hội; pơn jat tai tam gơl pa gùng dà bơyai lơh mờ đơng lam tàm dơ\ pơrjum, ngui niam bồ tơngoh jak mờ kơnòl bơh ală kuang bàng Quốc hội dê, nàng lơh geh cồng nha uă ngan rlau jơh, tềm pềr geh tu\ jiơ mờ bơta pràn dà kơlhề priă jền.

Jơh ală broă neh geh tàm broă lơh, broă rơndăp lơh, pah nhai kuang đơng lam bồ tờm ngan neh pơrjum mờ geh sră nggal đơng lam, tơl nă oh mi Ủy viên Bộ Chính trị, Ban Bí thư lơh kơnòl broă pal sồr lơh niam ngan, sơrbac mhar, lơh jơh, ba` lời tơn jo\, gam gơkòl bơta lơi den pal di tu\ ai cribơyai, jòi gùng dà bơsong mhar tơn.

Cau mblàng Lơ Mu K’Yến