VOV4.K’ho – Dờp jơnau jà bơh Tổng Bí thư Nguyễn Phú Trọng mờ Chủ tịch lơgar, ồng Trần Đại Quang dê, Tổng Bí thư Ban Chấp hành Đảng làng bol kac màng lơgar Lào, Chủ tịch lơgar Lào, ồng Bun-nhăng Vo-la-chit bal mờ Mpồl kuang bàng dờng màng Đảng, Dà lơgar Lào tus còp lơgar Việt Nam.

Tàm dơ\ lòt còp, Tổng Bí thư, Chủ tịch lơgar Lào tìp mat cribơyai broă mờ Tổng Bí thư Nguyễn Phú Trọng mờ geh ală dơ\ tìp mat cribơyai broă mờ Chủ tịch lơgar, ồng Trần Đại Quang, Thủ tướng Chính phủ Nguyễn Xuân Phúc mờ Chủ tịch Quốc hội, mò Nguyễn Thị Kim Ngân.

2 gah ring bal pơn jat tai pơgồp bal jơh nùs, lơh jat geh cồng nha ală jơnau ring bal đah kuang đơng lam bồ dờng màng 2 Đảng, 2 Dà lơgar; ai bơta git gơp chính trị bơtàu tơnguh, gàr niam gùng dà broă lơh ai jơh bơta git gơp lơh broă bal đah 2 lơgar; sơlơ lơh broă bal bè cribơyai broă mờ lơgar ndai, sền gàr ngap lơngai, sền gàr dà lơgar, rề ơnàng lơh broă bal, dong kờl bal mờ gơp đah ală ban bơh Đảng, ală Bộ, ngành, Quốc hội, Mặt trận, mpồl cau, mpồl lơh broă làng bol mờ ală tiah bơh 2 lơgar dê; mơkung sơlơ mblàng yal uă tàm ală rơnàng làng bol, ngan là rơnàng cau kơnòm să bè bơhìan git gơp tam klac kuơ màng đah Việt Nam – Lào.

                                              Cau mblàng K’Duẩn