VOV4.K’ho - Mho òr (12/11), tàm hìu lơh broă Đảng dà lơgar, Tổng Bí thư Nguyễn Phú Trọng neh cri bơyai mờ Tổng Bí thư, Chủ tịch lơgar Lo ồng Tập Cận Bình.

                     Tổng Bí thư Nguyễn Phú Trọng cri bơyai mờ Tổng Bí thư, Chủ tịch lơgar Lo ồng Tập Cận Bình

Ồng Nguyễn Phú Trọng đơs tòm, Đảng, Dà lơgar bal mờ làng bol lơgar Việt Nam sền kuơ mờ kơ\p kờ` chồl pràn broă lơh bal bơh 2 lơgar rềp bal, g^t gơ\p, lơh bơyô, lơh broă bal kuơ màng tơl ală bơta bơh lơgar Việt Nam mờ lơgar Lo tơnguh bơtàu ring niam, sơlơ ngai sơlơ niam bơne\; kờ` bal mờ broă lơgar Lo tơnguh bơtàu dờng pràn, tơnguh gơnoar niam mờ pơgồp bal mùl màl tus mờ bơta lơngăp lơngai, ring niam mờ pas gơs tàm tiah do mờ dunia.

Ồng Tập Cận Bình đơs tòm, Đảng, Chính phủ lơgar Lo sền kuơ broă tơnguh sùm mờ tơnguh bơtàu broă lơh bal kuơ màng tơl ală bơta bơh lơgar Lo mờ lơgar Việt Nam jăt gùng dà “Lơgar rềp bal, g^t gơ\p, lơh bơyô, lơh broă bal tơl ală bơta, ring niam jo\ jòng, wèt tus rài tơnơ\ do” mờ nùs nhơm “Lơgar rềp bal niam, bơyô niam, oh mi bal niam, lơh broă bal niam”.

Kung dùl ngai bal, ồng Tập Cận Bình, Tổng Bí thư mơkung là Chủ tịch lơgar Lo mờ mò Nguyễn Thị Kim Ngân, Chủ tịch Quốc hội lơgar Việt Nam neh tus bal Dơ\ bơyai lơh sơnđờm ai ngui, jàu cung hữu nghị Việt Nam mờ Lo mờ ai ngui lơh broă Trung tâm văn hoá Lo dê tàm Hà Nội.

                                                Mu\t ngui Cung Hữu Nghị Việt Nam - Trung Quốc

Cung hữu nghị Việt Nam mờ Lo là broă lơh bơh bơta gi\t gơ\p lơh bơyô bal đah Việt Nam mờ Lo. Broă lơh do geh lơh bơh priă dong kờl ờ tơm wơl bơh Chính phủ lơgar Lo dê mờ priă tă pơgồp bal bơh lơgar Việt Nam dê, geh lơh tàm sươn ơnàng 3 lồ 3 sàu, bă ù lơh broă do ơnàng mờr 14 rbô thơk vuông mờ hìu đam tàm dơlam mờ đah bơdìh ai jơnau gơdan bơh bơkàu sen dê.

Tơnơ\ tu\ lơh gơs mờ ai ngui, Cung Hữu nghị Việt Nam mờ Lo geh gơ gơs là tiah bơyai lơh ală broă lơh tìp mat lơh quèng bal đah làng bol, niam chài, đơs crih tam ya mờ pơrjum, cribơyai.

Cau cih mờ yal tơng^t Ndong Brawl – Lơmu K’ Yến