VOV4.K’ho-Mho òr 10/12, tàm Hà Nội, Đảng ủy Kuang àng dà lơgar neh bơyai lơh Pơrjum tơn jơh broă lơh Đảng nam 2018, sền wơl cồng nha, broă lơh geh tàm gùl tơngai lơh broă pa do, cribơyai gùng dà broă lơh, kơnòl broă lơh broă Đảng nam 2019 mờ tàm gùl lồi tơngai lơh kơnòl broă do; bơyai lơh ai jơnau đơs yal tơngi\t kuang bàng lơh broă kuang àng rơndăp tăp sèng lơh broă tàm Ban Chấp hành Đảng Dà lơgar tơngai bơh nam 2021- 2026.

Tàm dơ\ pơrjum, Tổng Bí thư, Chủ tịch lơgar ồng Nguyễn Phú Trọng, Thủ tướng Chính phủ ồng Nguyễn Xuân Phúc cih dờp, đơs niam ngan Đảng ủy Kuang àng dà lơgar neh lơh jat bơta đơng lam, lam sồr bơh Đảng dà lơgar, Quốc hội, Chính phủ dê, lơh jat tus geh kơnòl broă gàr niam lơngăp lơngai, rơndăp tăp sèng ờdo ờdă, geh mờ sơrlèt jơnau kờ`, jơnau sồr neh ai tơlik.

Mpồl kuang àng làng bol pơn jat tai bơtàu tơnguh, dờng pràn bè jơh ală bơta, lơh geh ală cồng nha dờng ngan mờ tơl làm ngan. Tổng Bí thư, Chủ tịch lơgar ồng Nguyễn Phú Trọng tă pơgồp jơnau đơs Đảng bộ Kuang àng dà lơgar pal lơh loh gơnoar broă đơng lam, atbồ; lơh loh broă lơh bơtàu tơnguh đảng, cồng nha pơrjum cribơyai chi bộ đảng, broă chính trị, nùs nhơm, bồ tơngoh, jơnau gi\t wa\ lơh jat adat boh lam, nùs nhơm drơng broă làng bol bơh kuang bàng, đảng viên dê.

Tổng Bí thư, Chủ tịch lơgar đơs niam ngan broă lơh bơto pơlam, yal tơngi\t kuang bàng lơh broă kuang àng rơndăp tăp sèng lơh broă tàm Ban Chấp hành Đảng dà lơgar tơngai lơh broă bơh nam 2021- 2026.

Cau mblàng Lơ Mu K’Yến