VOV4.K’ho- Ngai òr (22/03), Tổng Bí thư, Chủ tịch lơgar ồng Nguyễn Phú Trọng neh geh dơ̆ cri bơyai tàm điện thoại mờ Chủ tịch Đảng Dân chủ Tự do, Thủ tướng lơgar Nhờk ồng Yoshihide Suga.

Tổng Bí thư, Chủ tịch lơgar ồng Nguyễn Phú Trọng cri bơyai tàm điện thoại mờ Chủ tịch Đảng Dân chủ Tự do, Thủ tướng lơgar Nhờk ồng Yoshihide Suga

Tổng Bí thư, Chủ tịch lơgar ồng Nguyễn Phú Trọng ưn ngài Chủ tịch Đảng Dân chủ Tự do lơgar Nhờk neh pơyoa jơnau chờ gờm tus mờ pơrjum dờng dơ̆ 13; ưn ngài Chủ tịch Đảng Dân chủ Tự do, Thủ tướng lơgar Nhờk ồng Yoshihide Suga neh pơyoa jơnau chờ gờm tus mờ să tờm Tổng Bí thư, Chủ tịch lơgar ồng Nguyễn Phú Trọng.

Tổng Bí thư, Chủ tịch lơgar ồng Nguyễn Phú Trọng đơs tờm, tơngai do bơta gĭt gơ̆p đah lơgar Việt Nam mờ lơgar Nhờk kung bè broă lơh bal bơh Đảng Cộng sản lơgar Việt Nam mờ Đảng Dân chủ Tự do lơgar Nhờk gam pơn jăt tai tơnguh bơtàu niam bơnĕ, mờ đơs, lơgar Việt Nam lài mờ tơnơ̆ kung ndrờm bal lơm, sùm sền lơgar Nhờk là lơgar lơh broă bal kuơ màng lài ngan, jŏ jòng, pin dờn bal uă; dan bàr gah tơnguh tai broă tìp bal ală cấp; dan lơgar Nhờk pơn jăt tai lơh broă bal, dong kờl lơgar Việt Nam lơh geh cồng nha ală broă lơh kuơ màng, rơndăp broă tơnguh bơtàu lơh sa mpồl bơtiàn mờ pơrjum dờng dơ̆ 13 neh ring bal, tơnguh broă pơgồp bal bàr gah lơh sa.

Cau mblàng Ndong Brawl