VOV4.K’ho- Mang òr 20/11, tàm Tiah tờm Pơrjum Dunia tàm Hà Nội, ồng Nguyễn Phú Trọng, Tổng Bí thư, Chủ tịch lơgar mờ pơ ùr neh đơng lam dơ\ yờ sa yu\ rơyùm chờ gờm wa\ rò ồng Ram Nath Kovind, Kuang atbồ lơgar Ấn Độ mờ pơ ùr bal mờ ală kuang bàng tàm Mpồl kuang bàng dờng màng ala mat lơgar Ấn Độ.

Đơs tàm dơ\ yờ sa, Tổng Bí thư, Chủ tịch lơgar ồng Nguyễn Phú Trọng pà gi\t, dơ\ lòt còp Việt Nam dơ\ do bơh ồng Ram Nath Kovind, Kuang atbồ lơgar Ấn Độ dê là tơngo\ loh làng ngan ai bơta gi\t gơ\p lơh bơyô bal ờs mờng bơh yau mờ Lơh broă bal kuơmàng làm tơl mờ ală bơta niam bơne\ đah 2 lơgar, cèng tus làng bol Việt Nam in ală nùs nhơm rềp mềl, đềt mềr mờ bềng nùs nhơm lơh bơyô bal bơh Dà lơgar mờ làng bol Ấn Độ oh mi dê.

Tổng Bí thư, Chủ tịch lơgar tơlik nùs nhơm pin dờn, mờ bơta lơh ngan jơh nùs mờ bơta dùl nùs bal bơh kuang đơng lam bồ mờ làng bol 2 lơgar dê, gi\t gơ\p lơh bơyô bal ờs mờng bơh yau mờ Lơh broă bal kuơmàng làm tơl mờ ală bơta niam bơne\ đah Việt Nam mờ Ấn Độ geh pơn jat tai bơtàu tơnguh, geh kuơ ngan ngồn, geh cồng nha, lơh geh ală bơta bơtàu tơnguh pa, niam bơne\ mờ kơ\p kơnờm rlau.

Cau mblàng Lơ Mu K’Yến