VOV4.K’ho – Ngai òr (14/5), tàm Hà Nội, Tổng Bí thư, Chủ tịch lơgar, ồng Nguyễn Phú Trọng neh đơng lam pơrjum kuang bàng tờm ngan bơh Đảng mờ dà lơgar dê. Tàm dơ\ pơrjum, Chủ tịch lơgar đơs loh, nhai 4 mờ nggùl bồ nhai 5 nam 2019, geh uă ngai chờ tơngkah mờ jơnau tàm lơgar, lơh broă mờ lơgar ndai kuơ màng.

 Kuang đơng lam bồ tờm ngan mờ ală Kuang bàng Ủy viên Bộ Chính trị, Ban Bí thư, ală kuang đơng lam bồ Quốc hội, Chính phủ neh sền gròi nền nòn ală broă lơh, broă rơndap lơh mờ ală bơta gơlik geh, tơr gùm đơng lam, pơlam ală anih lơh broă geh gơnoar, mpồl bal, ală tiah lam lơh ală kơnòl broă.

 Tổng Bí thư, Chủ tịch lơgar, ồng Nguyễn Phú Trọng đơs tờm: jơh ală broă lơh, broă rơndap lơh neh ai tơlik kờ` pal sền gròi nền nòn nàng sền sơ wì, chul chồl lơh jat, ờ go\ di lời lơyài broă, ờ go\ di sền ờ sơp, pơn nhừ să; kờ` pal sền gròi đơng lam uă rlau tai, nền nòn rlau tai pơrjum đảng bộ ală kấp, ờ di tài bơh rơcang tus pơrjum mờ ờ sền gròi ală broă lơh sùm; pơn jat tai dơ\ lơh broă rơcang sơndră sa kuề sa kùa, broă ờ niam mờ nùs nhơm krà` cê, kơ\ nùs… nàng ală broă lơh bơh Đảng mờ dà lơgar dê geh ring niam, geh cồng nha uă.

Cau mblàng K’Duẩn