VOV4.K’ho - Drim òr (10/2), hơ\ là ngai 6 satềp Kỷ Hợi, tàm nùs nhơm chờ gờm Đảng, chờ gờm nam pa, Tổng Bí thư, Chủ tịch lơgar ồng Nguyễn Phú Trọng tus lam sồr satềp tam chi rài rài kah ưn ngài Bác Hồ kơnă dà lơgar tàm càr Yên Bái.

Đơs tàm dơ\ lam sồr tam chi, ồng Nguyễn Phú Trọng đơs tòm “Satềp tam chi” jăt jơnau bơto sồr Bác Hồ dê neh cèng wơl bơta kuơ dờng màng ai dà lơgar in mờ neh gơs dùl bơhiàn niam bơne\ ngan làng bol he dê tàm ală dơ\ satềp nam pa tus.

Tam chi, tam brê neh pơgồp bal kuơ màng tàm broă rơcang sơndră mờ tam dră mờ rềs àr bơh trồ tiah, lơh niam trồ tiah, tơnguh tiah kis brê bơnơm, lơh niam tai ù tiah geh is, tơnguh bơtàu lơh sa mpồl bơtiàn dà lơgar, tơnguh uă rài kis phan bơna bal mờ nùs nhơm làng bol.

Di tàm dơ\ tus pơrjum lam sồr “Satềp tam chi”, ồng Nguyễn Phú Trọng neh tus còp mờ chờ gờm satềp Đảng bộ, gơnoar atbồ bal mờ làng bol càr Yên Bái.

Ồng Nguyễn Phú Trọng kơ\p kờ` càr Yên Bái pơn jăt tai tơnguh ală cồng nha neh lơh geh, tơnguh bơhiàn khin cha, jăk chài, làng bol tơriang tơriồng mờ khin cha, tơmù kal ke, pơn jăt tai tơnguh bơtàu pràn rơlao tai tàm tơngai tus.

Cau mblàng Ndong Brawl