VOV4.K’ho - Mang òr (13/1), tàm Hà Nội, Tổng Bí thư, Chủ tịch lơgar ồng Nguyễn Phú Trọng, Chủ tịch danh dự mpồl Chữ thập đỏ lơgar Việt Nam, tus pơrjum mờ geh jơnau đơs tàm broă lơh “Bơta pràn broă dong kờl kòn bơnus 2019”.

Mờ tơngu me “Satềp tài cau rơ[ah mờ cau gơtìp sơnơm khih đioxin”, broă lơh do geh mpồl Chữ thập đỏ lơgar Việt Nam bơyai lơh kờ` hòi jà ală mpồl lơh broă, cau dùl nă să is, ală cau geh nùs nhơm niam tàm gùt lơgar, tus bal dong kờl cau rơ[ah, cau geh rài kis kal ke, chờ nam pa wă rò satềp.

Đơs tàm pơrjum “Bơta pràn broă dong kờl kòn bơnus”, ồng Nguyễn Phú Trọng neh hòi jà ală anih lơh broă, mpồl lơh broă, anih lơh sa kă bro, cau geh nùs nhơm niam bal mờ ală làng bol pơn jăt tai bal mờ mpồl Chữ thập đỏ lơgar Việt Nam bal mờ Đảng mờ Dà lơgar, dong kờl ngai sơlơ geh cồng nha rơlao cau rơ[ah, cau geh rài kis kal ke tàm mpồl bơtiàn in.

Cau mblàng Ndong Brawl