VOV4.K’ho - Drim òr (10/1), tàm Hà Nội, Quân uỷ Dà lơgar, Bộ Quốc phòng bơyai lơh pơrjum Quân chính gùt ling klàng nam 2018.

Tổng Bí thư, Chủ tịch lơgar, Bí thư Quân uỷ Dà lơgar ồng Nguyễn Phú Trọng tus mờ geh jơnau đơng lam pơrjum.

Đơs tàm pơrjum, ồng Nguyễn Phú Trọng sồr ling klàng chồl pràn broă bơ\t bơtàu mpồl ling pràn kơl dang tơl ală bơta, lam lài, pơnrơ jăk, geh tiah chài rơgơi niam bơne\, gàr niam kơrnoăt lơh broă, broă lơh glài, ờ lời gơbàn bơta ờ niam, bơta ờ niam bơh bơdìh mu\t tus, gơrềng bal, lơh ờ niam tàm dơlam is ling klàng.

Pal kơlơi sơnơng tus mờ broă bơ\t bơtàu rùp rài “Cau ling wa Hồ” tàm rài pa. Ồng Nguyễn Phú Trọng tơl^k nùs nhơm pin dờn, mờ nùs nhơm tam klăc bal, lơh tòm, tam gơl pa, geh kơnòl mờ lơh ngan uă, gùt ling klàng lơh cồng nha kơnòl nam 2019, mùl màl lơh geh cồng nha chờ gờm ling klàng tòm 75 nam mờ ală ngai tơnkah dờng dà lơgar dê tàm nam.

Cau mblàng Ndong Brawl