VOV4.K’ho- Tàm pơrjum dơ̆ 11, Quốc hội khoă 14, Tổng Bí thư, Chủ tịch lơgar ồng Nguyễn Phú Trọng neh yal jơnau yal broă lơh tơngai bơh nam 2016 tus 2021 bơh Chủ tịch lơgar lài.

                                       Tổng Bí thư, Chủ tịch lơgar ồng Nguyễn Phú Trọng

Dùl tàm ală kơnòl bơh tơngai lơh broă pa do là lơh sir uă broă kuang bàng dờng màng Dà lơgar. Chủ tịch lơgar neh kĭ kơrnoăt tơnpồ 5 phó thủ tướng, 21 bộ trưởng mờ ală kuang bàng ndai tàm Chính phủ tơngai lơh broă bơh nam 2016 tus 2021. Tổng Bí thư, Chủ tịch lơgar ồng Nguyễn Phú Trọng neh geh uă broă lơh bal mờ lơgar ndai kuơ màng, gàr niam gơnoar ù tiah dà lơgar, tơnguh uă bơngă pin dờn bơh lơgar Việt Nam tàm tiah do mờ tàm dunia.

 Tổng Bí thư, Chủ tịch lơgar ồng Nguyễn Phú Trọng đơs tờm, broă lam sồr pràn kơl dang nùs nhơm kờñ gơboh mờ dà lơgar, bồ tơngoh kơlôi sơnơng pràn kơl dang jơi bơtiàn, bơta pràn tam klăc bal gùt jơi bơtiàn mờ nùs nhơm kơ̆p kờñ tơnguh bơtàu dà lơgar pas gơs, gơboh gơbài là jơnau bơsram kuơ màng.

Tơngai tus, pal pơn jăt tai pờ ơnàng, tơnguh bơtàu mờ tơnguh uă broă lơh bal mờ lơgar ndai, ai geh nùs nhơm pin dờn chính trị ring niam, kơl jăp mờ ală lơgar lơh broă bal; bơsong di pal, geh cồng nha broă lơh bal mờ ală lơgar rềp bal, ală lơgar dờng, ală lơgar lơh broă bal kuơ màng, lơh broă bal tơl ală bơta mờ ală lơgar lơh broă bal ndai, geh sùm tiah kis ring lơngai, ring niam nàng tơnguh bơtàu dà lơgar.

Cau mblàng Ndong Brawl