VOV4.K’ho- Tàm Hìu duh broă Đảng Dà lơgar dê, ồng Nguyễn Phú Trọng, Tổng Bí thư Đảng Dà lơgar neh wa\ rò đềt mềr mpồl cau Việt Nam ơm kis tàm lơgar ndai pơnrơ jak rê hờ lơgar tờm tus bal Broă lơh “Bồ sơnam pa [òn lơgar tờm 2018- Việt Nam pơnrơ ngan rài tơnơ\ do”.

Tàm dơ\ wa\ rò, ală cau ala mat cau Việt Nam kis tàm lơgar ndai neh geh jơnau đơs tơngo\ nùs nhơm chờ hờp tềng đap ală cồng nha bơtàu tơnguh bơh dà lơgar dê tàm jơh ală broă mờ jơh nùs ngan ưn ngài bơh sền gròi bơh Đảng mờ Dà lơgar dê gơ wèt mờ cau Việt Nam ơm kis tàm lơgar ndai.

Ală cau ala mat neh yal mờ Tổng Bí thư bè broă ơm kis, lơh broă, mờ broă lơh bơh ală cau Việt Nam ơm kis tàm lơgar ndai dê, geh bàr pe jơnau dan mờ Đảng mờ Dà lơgar bè broă lơh cau Việt Nam tàm lơgar ndai, mờ đơs ngan là geh pơn jat tai lơh ngan sơlơ tam klac bal, sền gàr lơh jat niam bơhiàn mờ rài kis niam chài is jơi bơtiàn dê, bơ\t bơtàu mpồl bơtiàn pràn kơldang kơ\ kơl jăp kah tus [òn lơgar dà lơgar tờm.

Ồng Nguyễn Phú Trọng, Tổng Bí thư Đảng Dà lơgar neh wa\ rò đềt mềr mpồl cau Việt Nam ơm kis tàm lơgar ndai pơnrơ jak rê hờ lơgar tờm

Ala mat kuang đơng lam Đảng mờ Dà lơgar, ồng Nguyễn Phú Trọng, Tổng Bí thư Đảng Dà lơgar chờ hờp wa\ rò mờ ưn ngài ală cau ala mat cau Việt Nam tàm lơgar ndai neh cèng tus nùs nhơm ram mhu\ bơh cau Việt Nam ơm kis ngài mờ Dà lơgar dê rê wa\ rò sơnam pa sa tềp bơhiàn bal mờ làng bol gùt lơgar.

Đơs ngan gùng dà broă lơh ờ tu\ lơi tam gơl bơh Đảng mờ Dà lơgar dê sùm sền làng bol cau Việt Nam tàm lơgar ndai là cau pròc mhàm tờm ờ gơtùi tam cah is bơh jơi bơtiàn dê, Tổng Bí thư chờ hờp tềng đap bơta dờng pràn, ală cồng nha lơh geh, bơta tam klac bal mờ ală tă pơgồp geh bơta kuơ dờng màng ngan bơh mpồl bơtiàn cau Việt Nam tàm lơgar ndai dê.

Chủ tịch lơgar ồng Trần Đại Quang

Wă rò làng bol Việt Nam ơm kis tàm lơgar ndai rê hờ lơgar chờ hờp sơnam pa, wă rò sa tềp, tàm Trung tâm pơrjum dà lơgar, Ủy ban dà lơgar bè cau Việt Nam ơm kis tàm lơgar ndai - Bộ Ngoại giao bơyai lơh broă lơh đơs crih tamya “Sơnam pa [òn tờm 2018” mờ tơngume “Việt Nam àng gơ crà tơngai tơnơ\ do”.

Ala mat kuang đơng lam bồ Đảng, dà lơgar, Mặt trận dà lơgar Việt Nam, Chủ tịch lơgar, ồng Trần Đại Quang neh ja` sơnggơr sơn đờm lơh chờ mờ gơ rờm bal bơta chờ hờp mờ làng bol Việt Nam kis tàm lơgar ndai tàm mang tìp mat.

Chủ tịch lơgar pà git, nam lài kung là nam kuơ màng tàm rài kah yau lơh broă mờ lơgar ndai bơh lơgar he dê. Hơ\ là cồng nha niam bơne\ bơh Nam APEC Việt Nam 2017 mờ Pơrjum Kuang bàng dờng màng APEC dơ\ 25. Bơngă mờ bơta pràn bơh dà lơgar dê gam ngai sơlơ geh tơnguh jơnhua.

Tàm cồng nha bal hơ\, geh bơta tă pơ gồp dờng ngan jơh bal bè phan bơna mờ nùs nhơm bơh làng bol lơgar he dê ơm kis tàm lơgar ndai. Đảng, dà lơgar mờ làng bol sùm wă rò mờ ai geh bơta [uơn nàng làng bol rê hờ lơgar còp cau tờm, nhơl chờ, tă pơ gồp bơt bơtàu [òn lơgar tờm, mơkung chồl pràn lơh broă bal mờ ală lơgar, dong làng bol geh rài kis tơl niam mờ mut gơ rờm bal uă rlau tai mờ lơgar gam ơm kis.

Cau mblàng mờ yal tơngi\t tơngi\t- Lơ Mu K’Yến- K’Duẩn