VOV4.K’ho- Mho òr 24/12, tàm Hìu duh broă Đảng dà lơgar dê, ồng Nguyễn Phú Trọng, Tổng Bí thư, Chủ tịch lơgar geh dơ\ wa\ rò đềt mềr ồng V. Volodin, Kuang atbồ Duma Dà lơgar Nga (Hạ viện Nga) gam còp ngan ngồn lơgar Việt Nam.

Tổng Bí thư, Chủ tịch lơgar ồng Nguyễn Phú Trọng đơs niam ngan bơta kuơ dơ\ lòt còp mờ gi\t gơ\p lơh broă bal đah Quốc hội, Dà lơgar mờ làng bol bàr lơgar; jờng rơ broă Quốc hội lơgar Việt Nam mờ Duma Dà lơgar Nga neh ki\ Jơnau ring bal crơng gơs Ủy ban Lơh broă bal đah ală nghị viện đah 2 anih lơh broă crơng gơs kơrnoat boh lam bơh 2 lơgar dê; pin dờn Ủy ban do geh lơh broă geh cồng nha, dong lơh pràn lơh broă bal đah Quốc hội 2 lơgar, mơkung pơgồp bơnah sơlơ tơnguh tai lơh broă bal đah Việt Nam mờ Nga tàm ală gah broă lơh, lài ngan là lơh sa- kă bro mờ bơcri priă.

Kuang atbồ Duma Dà lơgar Nga đơs ngan, Duma Dà lơgar Nga geh lơh bal jơh nùs ală broă lơh tàm nam 2019 tơngkah kir sơnrai 25 nam ki\ Hiệp ước bè ală bơta pal jat kuơmàng bơh gi\t gơ\p lơh bơyô bal đah Việt Nam mờ Nga mờ 70 nam crơng gơs bơta gi\t gơ\p lơh broă bal đah 2 lơgar tàm nam 2020.

Cau mblàng Lơ Mu K’Yến