VOV4.K’ho - Ngai òr (29/3), tàm hìu Quốc hội lơgar Cuba, Tổng Bí thư Nguyễn Phú Trọng neh cri bơyai mờ Chủ tịch Quốc hội lơgar Cuba ồng Esteban Lazo Hernándes.

Ồng Esteban Lazo Hernándes neh yal mờ ồng Nguyễn Phú Trọng bè cồng nha bơh dơ\ te\ khà Quốc hội mờ Hội đồng Nhân dân ală kơnă lơgar Cuba pa do dê, bè broă lơgar Cuba mờ tàm tiah Mỹ Latinh; đơs tòm bè broă lơh bal kuơ màng bơh lơgar Cuba mờ lơgar Việt Nam, đơs niam ală cồng nha mờ broă mờng chài tàm broă tơnguh bơtàu, tam gơl pa lơgar Việt Nam dê; đơs tòm, lơgar Cuba geh sùm sền kuơ mờ kơ\p kờ` geh tơnguh sùm broă lơh bal mờ lơgar Việt Nam.

Ồng Nguyễn Phú Trọng đơs tòm tus mờ bơta kuơ màng bơh broă chồl pràn mờ tơnguh broă lơh sa, kă bro, bơcri priă… bơh 2 lơgar dê, sồr 2 lơgar pal geh ală cơ chế, broă lơh kờ` tơnguh tơl rơlao tai bơta pràn mờ bơta geh bơh tơl lơgar dê, kờ` bal, dong kờl bal, tơnguh cồng nha bơh ală rơndăp broă lơh sa, drơng ală broă tơnguh bơtàu bơh tơl lơgar tàm tơngai tus.

Cau cih mờ yal tơng^t Ndong Brawl