VOV4.K’ho- Mho 29/3, jat jiơ tiah do dê, Dơ\ bơyai lơh wa\ rò ồng Nguyễn Phú Trọng, Tổng Bí thư Đảng Cộng sản dà lơgar Việt Nam còp kơnă Dà lơgar tus lơgar Cuba geh bơyai lơh jat broă lơh wa\ rò dờng màng ngan rlau jơh lời ai kuang đơng lam bồ dà lơgar in.

Tơnơ\ dơ\ bơyai lơh wa\ rò ngan ngồn, Tổng Bí thư Nguyễn Phú Trọng mờ Chủ tịch lơgar Cuba Raúl Castro Ruz mu\t cribơyai. Bàr nă kuang bàng đơng lam bồ đơs ngan là, bơta gi\t gơ\p dờng màng đah Cuba mờ Việt Nam là jơtài dờng màng ngan bơh bàr Đảng, bàr Dà lơgar mờ làng bol bàr lơgar dê; đơs uă, bàr gah kờ` pal lơh ngan sùm nàng sền gàr, prăp gàr, bơ\t bơtàu tai mờ lời wơl ai ală rơnàng tơnơ\ do in.

Cribơyai bè bơta gi\t gơ\p đah bàr gah, bàr nă kuang đơng lam bồ dùl nùs bal sơlơ ai tai ală mpồl kuang bàng dờng màng lòt còp bal mờ gơ\p, tơnguh jơnhoa bơta niam, cồng nha ală kơrnoat lơh broă bal, lơh jat niam ală jơnau ring bal neh ki\; lơh pràn cribơyai bơta mờng chài tàm jơh ală broă, ngan là bè đơng lam, atbồ, bơtàu tơnguh lơh sa- mpồl bơtiàn mờ bơ\t bơtàu Đảng.

Bàr gah dùl nùs bal tơrgùm sồr mhar lơh broă bal lơh sa, kă bro, bơcri priă, bơto bơtê rơnàng kơnòm să; pơn jat tai lơh broă bal kơ\ kơl jăp bè sền gàr dà lơgar, lơngăp lơngai mờ lơh broă mờ lơgar ndai; jơh nùs pơgồp bal mờ tàm dong kờl bal tàm ală dơ\ cribơyai uă lơgar, lơh pràn tìp mat lơh quèng bal đah làng bol, bơto bơtê rơnàng kơnòm să bàr lơgar.

Cau mblàng mờ yal tơngi\t- Lơ Mu K’Yến