VOV4.K’ho – Đơs tơn jơh Pơrjum gùt lơgar bè broă lơh rơcang sơndră sa kuề sa kùa, Tổng Bí thư Nguyễn Phú Trọng, Kuang atbồ Mpồl đơng lam dà lơgar bè rơcang sơndră sa kuề sa kùa đơs tờm 6 kơnòl, broă lơh kuơ màng tàm tơngai tus.

Dùl là, pal pơn jat tai sơlơ lơh uă, tơnguh cồng nha broă lơh mblàng yal bè nùs nhơm mờ broă lơh tàm kuang bàng, cau geh đảng mờ làng bol bè rơcang sơndră sa kuề sa kùa.

Bàr là, pal tơr gùm đơng lam bơt bơtàu, lơh niam ală jơnau cih bơh Đảng, chính sách, adat boh lam bơh dà lơgar dê bè rơcang sơndră sa kuề sa kùa.

Pe là, sơlơ lòt sền, sền gròi; bơt bơtàu mpồl kuang bàng geh tơl nùs nhơm, pràn jak.

Poan là, sền gròi gơnoar broă nàng rơcang sơndră sa kuề sa kùa.

Pram là, tơnguh cồng nha broă git go\, bơsong ală broă gơlik geh, tìs sa kuề sa kùa. 6 là, pơn jat tai lơh niam mpồl kuang bàng lơh broă, tơnguh cồng nha broă lơh bơh ală anih, mpồl lơh broă geh kơnòl rơcang sơndră sa kuề sa kùa dê.