VOV4.K’ho – Mho òr (18/12), tàm hìu lơh broă Đảng dà lơgar, Tổng Bí thư Nguyễn Phú Trọng tìp mat rềp mềr cau ala mat tus bal “Dơ\ jờng rơ cau geh bơngă pin dờn, cau geh bồ tơngoh bơsram sră, cau lơh sa kă bro kòn cau pơn jak rơ gùt lơgar nam 2017”.

Đơs tàm dơ\ tìp mat, Tổng Bí thư Nguyễn Phú Trọng đơs niam ală bơta bơtàu tơnguh tàm jơh ală gah lơh sa, mpồl bơtìan bơh tiah làng bol kòn cau dê tus mờ bơta bơtàu tơnguh bal bơh dà lơgar dê. Bulah bè hơ\, pơn drờm mờ khà kờp bal bơh gùt lơgar dê, tiah làng bol kòn cau gam uă kal ke, kờ` pal pơn jat tai geh sền gròi mờ bơtàu tơnguh pràn rlau tai.

Tổng Bí thư kơp kờ`, làng bol kòn cau tàm tơngai tus pơn jat tai lơh jat nùs  nhơm bơh Bác Hồ dê, là làng bol kòn cau bol he là oh mi, tam pà bal bơta chờ hờp, moat jrùm, tam klac bal, kờ` gơboh bal mờ gơp. Ală cau ala mat mờ bơta pin dờn, chài git wă he dê pơn jat tai geh uă tă pơ gồp dờng màng rlau tai tàm broă lơh bơt bơtàu [òn lơgar, dà lơgar.