VOV4.K’ho- Mho òr (05/9), jat jơ lơgar Nga dê, ồng Nguyễn Phú Trọng, Tổng Bí thư Đảng dà lơgar neh tìp măt cri bơyai broă mờ ồng Dmitry Medvedev, Thủ tướng lơgar Nga.

    Ồng Nguyễn Phú Trọng, Tổng Bí thư Đảng dà lơgar Việt Nam cribơyai broă mờ ồng Dmitry Medvedev, Thủ tướng lơgar Nga 

Ồng Nguyễn Phú Trọng, Tổng Bí thư Đảng dà lơgar Việt Nam mờ ồng Dmitry Medvedev, Thủ tướng lơgar Nga đơs niam ngan cồng nha mờ bơta nhap nhar tàm lơh broă bal đah 2 lơgar mờ ală gah broă lơh broă bal li la, làm tơl mờ ală bơta mờ geh cồng nha, bơh lơh broă bal chính trị, lơh broă mờ lơgar ndai, lơh sa, lơngăp lơngai, sền gàr dà lơgar, tus lơh broă bal niam chài, lơh sơnơm, khoa học- công nghệ, bơto bơtê, kơrnoat boh lam mờ tư pháp, lơh broă bal đah ală tiah.

    Ồng Nguyễn Phú Trọng, Tổng Bí thư Đảng dà lơgar Việt Nam cribơyai broă mờ ồng Dmitry Medvedev, Thủ tướng lơgar Nga

Bàr đah dùl nùs bal kờ` mờ sơlơ sồr ală bộ, gah sơnah lơh broă bơh 2 lơgar dê pơgồp bal niam pơn jat tai lơh jat bal geh cồng nha mờ rề ơnàng ală kơrnoat lơh broă bal tàm ală gah broă lơh tờm, sền dờng màng kơrnoat lòt sền, gròi sền, chul chồl lơh jat ală jơnau ring bal kấp kuang bàng dờng màng kung bè ală hiệp định, nghị định chính phủ mờ ală jơnau hơ pơrgon đah ală bộ, gah sơnah lơh broă dà lơgar bơh 2 lơgar dê, ală rơndăp broă lơh lơh broă bal tàm ală gah broă lơh, pơgồp bơnah sùm tơnguh uă cồng nha bơh bơta gi\t gơ\p lơh broă bal jo\ jòng làm tơl mờ ală bơta đah Việt Nam mờ Nga.

Tơnơ\ dơ\ tìp mat cribơyai broă, Tổng Bí thư neh lòt còp Đại sứ quán mờ mpồl bơtiàn cau Việt Nam tàm lơgar Nga.

                        Cau mblàng Lơ Mu K’Yến