VOV4.K’ho- Drim òr (19/12), tơnơ\ dơ\ bơyai lơh wa\ rò tơn, ồng Nguyễn Phú Trọng, Tổng Bí thư Đảng Cộng sản lơgar Việt Nam neh tìp mat cribơyai broă mờ ồng Bounnhang Vorachith, Tổng Bí thư, Chủ tịch lơgar Lào tàm Hìu duh broă Đảng Dà lơgar dê.

Ồng Nguyễn Phú Trọng đơs uă, tàm jơh ală tu\ tơngai lơi, Việt Nam kung geh gam dong kờl pràn ngan Đảng, Dà lơgar mờ làng bol lơgar Lào mu\t lơh geh cồng nha broă lơh tam gơl pa, sền gàr mờ bơ\t bơtàu dà lơgar Lào pràn kơldang kơ\ kơl jăp.

Bàr nă kuang đơng lam bồ dùl nùs bal đơs ngan là bơta kuơmàng mờ bơta kuơ dờng màng bơh bơh bơta gi\t gơ\p tam klac bal uă ngan đah bàr Đảng, bàr dà lơgar gơ wèt mờ bơta kơ\ kơl jăp mờ bơtàu tơnguh bơh tơl lơgar dê kung bè gơ wèt mờ bơta ring lơngai, kơ\ kơl jăp, lơh broă bal mờ bơtàu tơnguh tàm tiah do mờ tàm dunia; mờ kung đơs uă cồng nha lơh geh mờ bơta kuơ kah yau bơh Nam Tam klac gi\t gơ\p lơh bơyô bal đah Việt Nam mờ Lào, Lào mờ Việt Nam 2017, sền do là tềl kah kuơmàng tàm bơta gi\t gơ\p đah 2 lơgar.

Bàr gah dùl nùs bal pơn jat tai pơgồp bal niam, geh cồng nha, tàm dong kờl bal tàm ală dơ\ cribơyai dunia mờ tàm tiah do, ngan là tàm Liên hợp quốc, ASEAN mờ ală mpồl lơh broă bal Tiểu vùng Mekong; pơn jat tai sơlơ lơh broă bal, pơgồp bal niam bal mờ gơ\p mờ bal mờ ală lơgar.  

Cau cih mờ yal tơngit - Lơ Mu K’Yến