VOV4.K’ho- Lài mờ dơ\ wa\ rò sơnam pa sa tềp Mậu Tuất nam 2018, drim òr 7/2, tàm Hìu duh broă Đảng Dà lơgar dê, Ban Bí thư Đảng Dà lơgar bơyai lơh tìp mat chờ gờm sa tềp cau ala mat cau geh bồ tơngoh jak, cau lơh bơta niam chài pơnrơ jak.

Đơs tàm dơ\ tìp mat, ồng Nguyễn Phú Trọng, Tổng Bí thư Đảng Dà lơgar yal wơl ală cồng nha lơh geh pơnrơ ngan bơh dà lơgar dê tàm nam lài, mơkung ưn ngài ală tă pơgồp dờng màng ngan bơh mpồl cau geh bồ tơngoh jak, cau lơh bơta niam chài pơnrơ jak dê gơ wèt mờ bơta bơtàu tơnguh bơh dà lơgar dê.

Jat Tổng Bí thư đơs, nam 2018 geh gơ gơs là nam geh uă tu\ tơngai niam, bơta [ươn, mơya kung geh ờ dùl êt bơta kal ke, bơta lòng mờ bơta tam gơl kal ke ngan gơtùi gi\t lài gơ sồr bol he pal lơh ngan pơnđơl pràn uă rlau tai, jơh nùs rlau tai nàng lơh gơs jak chài jơh ală kơnòl broă neh ai.

Tổng Bí thư pin dờn mờ nùs nhơm geh kơnòl, mờ bơta pràn jak, jơh nùs, bồ tơngoh jak mờ bơta mờng chài bơh he dê, mpồl cau geh bồ tơngoh jak, cau lơh bơta niam chài geh pơn jat tai bal mờ Đảng, mờ Dà lơgar bal mờ làng bol lơh tus geh ală jơnau kờ`, kơnòl broă nam 2018 mờ Nghị quyết Pơrjum dờng dơ\ XII bơh Đảng dê neh ai.

Cau mblàng mờ yal tơngi\t- Lơ Mu K’Yến