VOV4.K’ho - Ngai òr (30/9), Tổng Bí thư Nguyễn Phú Trọng neh tus còp mờ tus sơn đờm mu\t bơsram nam bơsram 2018-2019 bơh Học viện Nông nghiệp Việt Nam dê.

Ồng Nguyễn Phú Trọng sồr, hìu bơsram pal tơrgùm bơ\t bơtàu mờ bơto bơtơl mpồl cau pơgru bơto di pal mờ broă kờ` tam gơl pa broă bơto. Ală cau pơgru pal tam gơl bơh gơnoar mblàng jơnau tus mờ gơnoar bơto sồr bơsram mờ pal là cau lam lài bè nùs nhơm niam, broă lơh, rài kis, gùng dà broă lơh mờ bơsram sră kờ` cau bơsram dờng đòm jăt bal.

Ồng Nguyễn Phú Trọng kơ\p kờ` ală cau pơgru bal mờ cau bơsram dờng tàm hìu bơsram, tàm tơngai tus pơn jăt tai tơnguh bơhiàn jăk chài bơh 1 hìu bơsram đại học khin cha jăk chài, lơh ngan tàm pơrlòng bơto jăk, bơsram jăk, kơlôi sơnơng broă bơceh pa, lơh jăt niam jơnau bơto sồr bơh Bác Hồ dê “Tam klăc nền nòn, lơh ngan kờ` gơguh jăk sùm”…

Cau mblàng Ndong Brawl