VOV4.K’ho – Tàm hìu lơh broă Đảng dà lơgar, Tổng Bí thư Nguyễn Phú Trọng neh wă rềp mềr ồng Vương Nghị, Ủy viên Quốc vụ, Bộ trưởng Ngoại giao lơgar Lo. Ồng Vương Nghị ai lơh chờ hờp geh tus còp ngan ngồn lơgar Việt Nam mờ tus bal pơrjum dờng màng tam klac tiah dà dờng Mekong rề ơnàng dơ\ 6; jơh nùs gờm chờ Việt Nam bơyai lơh geh cồng nha pơrjum do. Ồng Vương Nghị yal mờ Tổng Bí thư bè ală cồng nha lơh geh tàm dơ\ tus còp do mờ yal ờ uă bơta dờng bè cồng nha pơrjum bơh 2 mpồl lơgar Lo dê pa do.

Bè git gơp đah 2 Đảng, 2 dà lơgar, ồng Vương Nghị đơs tờm, Đảng, Chính phủ mờ làng bol lơgar Lo sền dờng màng ngan git gơp lơh broă bal mờ Việt Nam; ai lơh chờ hờp tềng đap ală bơta bơtàu tơnguh jơh bal bè khà mờ cồng nha, tàm jơh ală gah lơh broă bal tàm git gơp đah 2 lơgar; kơp kờ` 2 gah pơn jat tai sơlơ cribơyai rơndap broă, chồl pràn lơh broă bal, sền gròi niam bơta ờ ringbal tàm dà lềng, gàr niam gùng dà broă lơh bơtàu tơnguh niam bơh git gơp 2 Đảng, 2 lơgar dê.