VOV4.K’ho -  Ngai 20/4, tàm Hìu lơh broa\ Đảng dà lơgar, Tổng Bí thư Nguyễn Phú Trọng neh wa\ rềp mềr mò Aung San Suu Kyi, kuang dong broa\ dà lơgar Myanmar gam còp ngan ngồn lơgar Việt Nam. Ồng Nguyễn Phú Trọng đơs niam  bơta bơtàu tơngguh  git gơp lơh broa\ 2 lơgar tàm tơngai lài mờ pin dờ` dơ\ tus còp Việt Nam dơ\ do bơh mò dong broa\ dà lơgar geh  la bơta tềl go\ kuơ màng,  pơ gồp bal chul chồl rlau tai git gơp lơh broa\ bal  ua\ broa\ bơh 2 lơgar.

Ồng Nguyễn Phú Trọng đơs tờm broa\ lơh  lài bè tơnơ\ bơh lơgar Việt Nam la sền kuơ màng git gơp, pờ ơnàng git gơp lơh broa\ bal  ua\ gah mờ Myanmar, jờng cồng nha bơyai  broa\ mờ Thủ tướng,  geh jơnau đơs 2 gah kờ` lơh pràn lơh broa\ bal tàm jơh ala\ gah broa\ ngan la tàm  ala\ bơta pràn bè ka\ bro, bơcri mờ tam tìp chài rgơi kung bè tàm broa\ lơh ASEAN mờ ala\ dơ\ cri tơr`a ala\ lơgar rềp bal mờ dunia, tài ngap lơngai, ờ do ờ da\, niam, lơh broa\ bal, bơtàu tơnguh mờ ala\ lơgar rềp bal mờ tàm dunia.

                        Cau cih mờ yal tơnggit K’ Brọp