VOV4.K’ho – Mho òr (17/7), tàm hìu lơh broă Đảng dà lơgar, Tổng Bí thư Nguyễn Phú Trọng neh wă Mpồl kuang bàng Quốc hội lơgar Lào bơh ồng Xẻng-nuôn Xay-nha-lạt, Bí thư Đảng dà lơgar, Phó Chủ tịch Quốc hội lơgar Lào lam bồ gam geh dơ\ tus còp Việt Nam. Ồng Xẻng-nuôn Xay-nha-lạt yal mờ Tổng Bí thư Nguyễn Trọng cồng nha dơ\ tìp mat, lơh broă mờ cribơyai mờng chài mờ Mpồl kuang bàng Quốc hội Việt Nam; đơs tờm, Quốc hội Lào geh pơgồp bal krà` cê mờ Quốc hội Việt Nam lơh jat geh cồng nha ală jơnau ring bal đah 2 lơgar.

Tổng Bí thư Nguyễn Phú Trọng sồr tàm tơngai tus, Quốc hội 2 lơgar pal sơlơ tơnguh rlau tai broă lơh bal, cribơyai jơnau yal, mờng chài tàm ală gah broă lơh; sơlơ lòt sền, sền gròi, đơng lam ală bộ, gah lơh broă, ală tiah lơh jat ală jơnau ring bal đah kuang đơng lam dờng màng 2 Đảng, 2 dà lơgar, Hiệp định lơh broă bal đah 2 Chính phủ mờ broă lơh tam klac bal đah 2 Quốc hội.

Kung tàm mho òr, Chủ tịch Quốc hội, mò Nguyễn Thị Kim Ngân neh wă Thượng tướng Xẻng-nuôn Xay-nha-lạt, Phó Chủ tịch Quốc hội lơgar Lào.