VOV4.K’ho - Mho òr (24/10), tàm hìu lơh broă Đảng dà lơgar, Tổng Bí thư Nguyễn Phú Trọng neh wă ồng Somsay Siphandon, Phó Thủ tướng lơgar Lào lam bồ mpồl kuang bàng dờng màng Chính phủ lơgar Lào tus còp mờ lơh broă tàm lơgar Việt Nam.

Ồng Nguyễn Phú Trọng tơl^k nùs nhơm chờ hờp bè broă tam klăc bal kuơ màng bơh lơgar Việt Nam mờ lơgar Lào sơlơ ngai sơlơ tơnguh bơtàu mờ uă bơta niam, geh cồng nha tàm ală gah broă, cèng wơl bơta kuơ mùl màl ai làng bol tơl lơgar in.

Đơs niam cồng nha broă lơh bal bơh 2 Chính phủ tàm tơngai do, cồng nha dơ\ cri bơyai bơh 2 Phó Thủ tướng Chính phủ dê, ồng Nguyễn Phú Trọng sồr 2 Chính phủ pơgồp bal đơng lam ală bộ, gah lơh broă, ală càr, [òn dờng, anih lơh sa kă bro rơcang niam broă pơgồp bal lơh geh cồng nha ală jơnau yal bal bơh lơgar Việt Nam mờ lơgar Lào, ală jơnau ring bal dờng màng bơh đơng lam 2 Đảng, 2 dà lơgar, ală Hiệp định lơh broă bal mờ ală broă lơh, rơndăp broă lơh bal bơh 2 lơgar dê; pơn jăt tai pơgồp bal bơyai lơh niam ală broă lơh tàm nam tam klăc, g^t gơ\p lơh bơyô bal bơh lơgar Việt Nam mờ lơgar Lào.