VOV4.K’ho- Ngai òr (05/04), ồng Nguyễn Phú Trọng, Tổng Bí thư Ban Chấp hành Đảng dà lơgar he neh cri bơyai tàm điện thoại mờ Kuang atbồ lơgar Nga ồng Vladimir Putin.

Tổng Bí thư ồng Nguyễn Phú Trọng cri bơyai tàm điện thoại mờ Kuang atbồ lơgar Nga

Kuang atbồ lơgar Nga chờ gờm cồng nha bơh pơrjum kuang bàng gùt lơgar dơ̆ 13 bơh Đảng Cộng sản Việt Nam dê, chờ gờm ồng Nguyễn Phú Trọng geh pồ tai lơh Tổng Bí thư Ban Chấp hành Đảng Dà lơgar khoă 13. Bàr kuang đơng lam đơs tờm, bơta gĭt gơ̆p đah bàr lơgar Việt Nam mờ Nga geh ală broă tơnguh bơtàu niam bơnĕ tàm jơh ală gah broă.

Tàm tơngai tus, bàr gah geh pơn jăt tai lơh ngan geh ală broă lơh mùl màl chồl pràn broă lơh bal tàm ală gah broă sền gàr bơta lơngăp lơngai dà lơgar, năng lượng, nhơm jờu, lơh sa, kă bro, bơto bơtê, bơsram, nhơl chờ, sơndră mờ kòp Covid-19, tàm hơ̆ geh broă ring bal ală broă lơ krơi is tam jào, dong kờl kơlôi sơnơng, lơh sơnơm vaccine tam dră mờ kòp Covid-19 mờ lơh broă bal tàm gah đảng.

Cau mblàng Ndong Brawl