VOV4.K’ho - Drim òr (24/09), tàm hìu lơh broă Đảng dà lơgar, Tổng Bí thư ồng Nguyễn Phú Trọntg neh geh dơ̆ cri bơyai tàm điện thoại mờ Tổng Bí thư, Chủ tịch lơgar Lo ồng Tập Cận Bình.

Tổng Bí thư ồng Nguyễn Phú Trọng chờ gờm 72 nam sơn tờm dà lơgar Lo, mờ đơs tờm, bŭ lah kòp Covid-19 lơh aniai uă ngan tus mờ ală bơta tàm rài kis dunia mờ broă tìp bal, lơh broă bal đah bàr lơgar, mơya broă lơh git gơ̆p bal đah bàr đảng, bàr lơgar Việt Nam mờ Lo pơn jăt tai geh sùm tàm bơta tơnguh bơtàu; tơlik nùs nhơm ưn ngài lơgar Lo neh tam pà bal broă mờng chài, dong kờl sơnơm vaccine ai lơgar Việt Nam in tàm broă rơcang sơndră mờ kòp Covid-19 mờ kơ̆p kờñ bàr đah pơn jăt tai ai lài uă tus mờ broă lơh bal broă rơcang sơndră mờ kòp Covid-19 mờ brồ guh, tơnguh bơtàu tơnơ̆ mờ kòp Covid-19. Tổng Bí thư ồng Nguyễn Phú Trọng kung hòi jà, bàr gah pơn jăt tai pơgồp bal nền nòn bè broă atbồ, sền gàr tiah nhàr dà lơgar, lơh gùng nhàr dà lơgar ring lơngai, ring niam, lơh broă bal mờ tơnguh bơtàu.

Cau mblàng Ndong Brawl