VOV4.K’ho- Ngai 19/11, tàm Hìu duh broă Đảng dà lơgar dê, Tổng Ƀí thư ồng Nguyễn Phú Trọng đơng lam pơrjum Ƀộ Chính trị, Ƀan Ƀí thư nàng sền swì, lơh jăt kơrnoăt lơh glài Mpồl đơng lam Đảng Ƀộ Y tế, Mpồl đơng lam Đảng Ủy ƀan Nhân dân càr Hà Nam tơngai lơh broă bơh nam 2016- 2021 mờ bàr pe nă cau là kuang bàng đơng lam bồ, lài do là kuang bàng đơng lam bồ bơh Ƀộ Y tế dê mờ bơh càr Hà Nam dê.

Sền swì tơngume, broă lơh, khà lơh tìs, jơnau gơlời wơl bơh broă lơh tìs, nùs nhơm sền tìs di is mờ sền tìs di, cồng nha bơsong ală broă lơh tìs, bơta ờ hềt niam, ală tă pơgồp bơh tơl mpồl đảng mờ tơl nă cau dê, Ƀộ Chính trị lơh nền lơh jăt kơrnoăt lơh glài bơh broă lơh Tơngkah gơwèt mờ Mpồl đơng lam đảng Ƀộ Y tế tơngai lơh broă bơh nam 2016- 2021; lơh jăt kơrnoăt lơh glài bơh broă lơh glài Tơngkah, mơkung tơn jơh ăt gơnoar broă Kuang ătbồ Mpồl sền gàr, sền gròi pràn kơldang să jan kuang bàng dà lơgar gơwèt mờ mò Nguyễn Thị Kim Tiến.

Ƀan Ƀí thư lơh nền lơh jăt kơrnoăt lơh glài bơh broă lơh glài Đơs lah gơwèt mờ Mpồl đơng lam đảng Ủy ƀan Nhân dân càr Hà Nam tơngai lơh broă bơh nam 2016- 2021; lơh jăt kơrnoăt lơh glài bơh broă lơh Tơlik bơh Đảng gơwèt mờ ồng Trương Quốc Cường; lơh jăt kơrnoăt lơh glài bơh broă lơh glài Tơngkah gơwèt mờ ồng Nguyễn Xuân Đông; tơn jơh ăt gơnoar broă Ủy viên Mpồl duh broă sùm Tỉnh ủy Hà Nam tơngai lơh broă bơh nam 2020- 2025 gơwèt mờ ồng Đinh Văn An.

Cau mblàng Lơ Mu K’Yến