VOV4.K’ho - Drim òr (18/11), tàm hìu lơh broă Đảng Dà lơgar, geh bơyai lơh dơ̆ pơrjum Thường trực Mpồl đơng lam Dà lơgar bè rơcang sơndră mờ sa kuề sa koà, ờ niam, tềng đăp mờ broă đơng lam bơh bơh Tổng Bí thư ồng Nguyễn Phú Trọng.

                                   Tổng Bí thư ồng Nguyễn Phú Trọng đơng lam pơrjum

Dơ̆ pơrjum nàng cri bơyai, pơgồp jơnau đơng lam, bơsong gơwèt mờ ờ uă broă gơwèt Mpồl đơng lam sền gròi, đơng lam; broă tam gơl, bơtơl Kơrnoăt lơh broă mờ Kơrnoăt tam pà kơnòl lơh broă kuang bàng tàm Mpồl đơng lam. Tàm dơ̆ pơrjum, Thường trực Mpồl đơng lam ring bal jơnau đơs, bơh tơnơ̆ mờ Pơrjum dơ̆ 19 (nhai 1 nam 2021) bơh Mpồl đơng lam tus tŭ do, ală cấp ủy, mpồl drơng broă đảng, anih lơh broă geh gơnoar neh uă broă lơh ngan, lơh jăt nền nòn jơnau đơs pơn dŭt bơh Mpồl đơng lam, tàm hơ̆ uă ngan là lơh jăt nền nòn kơnòl rơcang sơndră mờ bơta ờ niam pơgồp bal mờ broă rơcang sơndră mờ sa kuề sa koà, bơta tờm là ờ niam bè bồ tơngoh chính trị, nùs nhơm, rài kis. Mpồl đơng lam kung geh jơnau đơs broă gŏ, bơsong ală broă sa kuề sa koà, ờ niam geh uă tam gơl niam.

Cau mblàng Ndong Brawl