VOV4.K’ho- Mho ngai 15/12, tàm Hìu duh broă Đảng dà lơgar neh yŭ rơyùm bơyai lơh Dơ̆ jàu pà ai Tổng Ƀí thư Ƀan cấp hàñ Đảng Kộng sản dà lơgar Việt Nam ồng Nguyễn Phú Trọng in Khà jờng Lênin bơh Ƀan cấp hàñ Đảng Kộng sản Dà lơgar Nga dê. Ồng Lê-ô-nhít Ka-lát-xnhi-cốp là Phó Kwang ătbồ Đảng, Kwang ătbồ Ủy ƀan ală broă bè mpồl ală lơgar lơngăp lơngai is, Tàm tơrbŏ bal câu Á mờ câu Âu mờ làng bol kis tàm lơgar ndai bơh Hạ viện Nga dê neh ala măt Ƀan cấp hàñ Đảng Kộng sản dà lơgar Nga dê jàu pà ai Tổng Ƀí thư ồng Nguyễn Phú Trọng in Khà jờng Dờng màng ngan rlau jơh bơh Đảng Kộng sản lơgar Nga dê mờ Đảng Kộng sản Liên Xô dê.

Đơs tàm dơ̆ bơyai lơh, Tổng Ƀí thư ồng Nguyễn Phú Trọng ưn ngài Đảng Kộng sản lơgar Nga neh jàu pà Khà jờng sơnđan măt Lênin dờng màng ngan. Tổng Ƀí thư ồng Nguyễn Phú Trọng đơs loh, Đảng Kộng sản Việt Nam ai nùs nhơm Mác- Lênin, bồ tơngoh Hồ Chí Minh lơh bơnàng jă bồ tơngoh, sơñio gùng tàm broă lơh bơ̆t bơtàu, sền gàr mờ bơtàu tơnguh dà lơgar, kơ̆ dơn gùng lòt gùng tus củ nghiã xã hội. Tổng Ƀí thư ồng Nguyễn Phú Trọng đơs nền bal mờ Đảng Kộng sản lơgar Nga mờ ală cau lơh broă bal Nga pơn jăt tai lơh kơ̆ kơl jăp, sơlơ tơnguh tai bơta gĭt gơ̆p Tam klăc lơh broă bal jŏ jòng tơl ală bơta đah Việt Nam mờ Nga mờ bơta git gơ̆p lơh bơyô bal đah làng bol 2 lơgar.

Cau mblàng Lơ Mu K’Yến